नेपालको कृषि नयाँ दिशातिर उन्मुख हुने : मन्त्री गजुरेल

Hari bol Gajurelपाँचथर, वैशाख १७ गते । कृषि विकास मन्त्री हरिबोल गजुरेलले नेपालको कृषि नयाँ दिशातिर उन्मुख हुने बताउनुभएको छ । मन्त्रालयले तयार गरिरहेको बजेट सहितको कार्यक्रममा किसानका समस्या समाधान गर्दै कृषिको आधुनिकीकरण र व्यवसायीकरणमा प्रोत्साहित तुल्याउने खालका योजना समेटिने र नेपालको कृषिलाई नयाँ दिशातर्फ उन्मुख गराउने बताउनुभयो ।

पाँचथरको फिदिममा आज बिहान रासससित कुराकानी गर्दै मन्त्री गजुरेलले परम्परागत कृषि प्रणालीलाई त्याग्दै उत्पादनमुखी तथा व्यावसायिक कृषि प्रणालीको थालनी गर्नुपर्नेमा जोड दिनुभएको छ । उहाँले युवालाई विदेश पलायन हुनबाट बचाउँदै व्यावसायिक कृषिमा आकर्षित गर्न युवामैत्री कार्यक्रम पनि ल्याउन लागिएको जानकारीसमेत दिनुभयो । फरक प्रसङ्गमा उहाँले राष्ट्रिय सहमतिको सरकार गठन हुन नसक्ने पनि बताउनुभएको छ ।

उहाँले काँग्रेसले वर्तमान सरकारमा सहभागी हुन नचाहेकाले सहमतिको सरकार बन्न नसक्ने बताउनुभएको हो । रासस

थप समाचार
प्रतिकृया
नाम

ईमेल

ठेगना