कम्युनिटी बैङ्कको मणिग्राममा नयाँ शाखा

बुटवल, वैशाख १६ गते । बुटवलमा केन्द्रिय कार्यालय रहेको नेपाल कम्युनिटी डेभलपमेन्ट बैंकले रुपन्देहीको मणिग्राममा सातौं शाखा कार्यालय संचालनमा ल्याएको छ । बैंकले बुधबार नै रुपन्देहीको शंकरनगरमा एक्सटेन्सन काउन्टर पनि संचालनमा ल्याएको छ । 

अधिकृत पुँजी ३० करोड, जारी पुँजी २० करोड ९५ लाख र चुक्ता पुँजी १० करोड ९५ लाख रहेको बैंकको चैत मसान्तसम्ममा निक्षेप संकलन १ अरब १५ करोड र कर्जा प्रवाह ९३ करोड रहेको बैंकका कम्पनी सचिव भक्तबहादुर खड्काले जानकारी दिनुभयो ।  बैंकले १ः१ को अनुपातमा १० करोड रुपैयाँ बराबरको हकप्रद शेयर निष्काशनको अन्तिम चरणमा पुगेको र उक्त शेयर चालु आर्थिक वर्ष भित्र पुंजीकृत भई चुक्ता पुँजी २० करोड ९५ लाख पुग्ने जनाएको छ ।
आर्थिक वर्ष २०७३÷०७४ को अन्तसम्ममा बोनस शेयर वितरण र हकप्रद शेयर निष्कासनमार्फत चुक्ता पुँजी ५० करोड र अधिकृत पुंजी ७० करोड पु¥याउने योजना रहेको बैंकका प्रमुख कार्यकारी अधिकृत राजन खनालले बताउनु भयो । बैंकले आ. व. २०७०÷०७१ को मुनाफावाट शेयरधनीहरुलाई ९ दशमलव ५ प्रतिशत वोनस शेयर र शून्य दशमलव ५ प्रतिशत नगद लाभांश वितरण गरेको जनाएको छ ।
बुटवलमा केन्द्रिय कार्यालय रहेको बैंकले रुपन्देहीको बुटवल, सौ.फर्साटिकर र भैरहवा, नवलपरासीको भुताहा र अरुणखोला तथा चितवनको टांडीस्थित शाखा कार्यालय एवं रुपन्देहीको रानीबगिया, चितवनको बुद्धचोक र रुपन्देहीको शंकरनगरस्थित एक्सटेन्सन काउन्टरबाट बैकिङ्ग सेवा प्रदान गर्दै आएको जनाएको छ ।

थप समाचार
प्रतिकृया
नाम

ईमेल

ठेगना