यार्सा अर्थ : गाउँ नै सुनसान


शैलेन्द्र रोकाया

बझाङ बैशाख १४ गते । यस जिल्लाको अधिकाशं गाँउका स्थानीयबासी  यार्सागुम्वा संकलन गर्न सैपाल हिमालतिर  लागे पछि गाँउ नै सुनसान भएका छन्  ।
छोटो समयमा लाखौको आम्दानी हुने भएपछि  दुध खाने बालबालिकासहित लिएर केटा केटी ,युवा बृद्घसहित यार्सा टिप्न लेकतिर गएका छन् । दौतिचौरका गोरख बोहराले गाँउका सबै यार्सा गुम्बा टिप्न लेकतिर हिडेपछि गाँउमा अशक्त बृद्घहरु मात्र गाँउमा रहेको बताउनु भयो । उहाँले मोबाईलको नेटवर्क नलाग्ने हिमालतिर  गाँउमा केही ठूलो घटनाहरु घटे स्थानिय एफएम बाट खबर गरि बोलाउनु पर्ने अबस्था आएको समेत बताउनु भयो ।
जिल्लाको उत्तरी क्षेत्रका काडा , सुर्मा,दौलिचौर ,दहबगर,मेलबिसौना, धमेना, रिलु ,दातोला लगाएतका एक दर्जनभन्दा बढी गाबिसका बासिन्दाहरु यार्सा संकलन गर्न हिमालतिर जाने गर्दछन् ।  वच्चादेखि ६० वर्ष नाघेका मानिसहरु पनि छोटो समयमा धेरै कमाई हुने आशा गर्दै यार्सागुम्वा खोज्न गएको सुर्मा गाबिसका पुस्कल बोहराले बताउनु भयो । बैशाखदेखि साउनसम्म यार्स संकलन गर्ने उपयुक्त समय भएकाले यो सिजनमा खानेकुरा, बस्नका लागि पाल लिएर  हजारौको सख्यामा मानिसहरु यार्सा संकलनका जाने गर्दछन् ।   
ग्रामिण भेगमा घरको सुरक्षाका साथै वस्तुभाउ पाल्नका लागि प्रति परिबार एक जना मानिस वाहेका अरु गाउँमा नहुने गरेको स्थानियबासी बोहराले बताउनु भयो । बोहराले गत बर्ष यार्साको मूल्य ओरालो लागेपछि स्थानीय स्तरमा निराशा छाएको र यस बर्ष भने यार्साको मूल्य बढन सक्ने र मनग्य आम्दानी हुने आशामा गाँउ रित्तिएको विचार व्यक्त गर्नुभयो ।
यस जिल्लाबाट यार्सा टिप्नका लागि प्रायः मानिस हरु काडा गाबिसको राईढुङ्गे,सुर्मा सरोबर क्षेत्र, उरै क्षेत्र, रक्षा हिमाल , गोल्डेन हिमाल र सैपाल हिमाल र सुर्मा गाबिसको कुण्ड, धनसेरी ,पार्छि  र सरोबर क्षेत्रमा जाने गर्दछन् । हिमालतिर जानका लागी बाटो  राम्रो नहँुदा बर्षेनी दुई चार जनाले ज्यान गुमाउने गरेका छन् ।
हिमालतिर लुटपाट चोरी डकैती र चोरी सिकारका घटनाहरु बढदै गए पछि प्रहरीको सुरक्षासहित यस बर्ष पनि  दहबगर गाबिस र काडा गाबिसका प्रहरीको दुई वटा टोली खटाईने तयारी भईरहेको प्रहरी नायब उपरीक्षक लक्ष्मीराज अधिकारीले बताउनु भयो । बिगत बर्षमा प्रति केजी रु.१८ लाख पर्ने यार्साको मोल गत बर्ष आठ लाखमा झरेको थियो ।

थप समाचार
प्रतिकृया
नाम

ईमेल

ठेगना