दिल्ली लगिदिए रु. १० हजार ......


बसन्त गिरी
कपिलवस्तु , वैशाख १४ गते । दाङ घर भएकी सीता केसीलाई दुई युवती दिल्ली पुरयाए २० हजार दिने प्रस्ताव आयो । एक साता अघि स्थानिय विक्रम भन्ने व्यक्तिले उनलाई सो प्रस्ताव राखे । आर्थिक रुपमा विपन्न सीता केहि नसोची राजी भईन् ।

दुई युवती दिल्ली पठाउने जिम्मा लिएर उनी शनिबार काठमाण्डौबाट कृष्णनगर आइपुगिन् । कृष्णनगर सीमा क्षेत्रमा उनलाई प्रहरीले सोधपुछ गर्ने क्रममा पक्राउ गर्यो । पक्राउ पछि सीताले बल्ल आफु अन्जानमा ठूलो घटनामा फसेको थाहा पाइन् ।

मानव वेचविखन तथा ओसारपसारमा सक्रिय दलालहरुले अहिले आर्थिक विपन्नता भएका महिलाहरुलाई विचौलियाको रुपमा प्रयोग गरिरहेका छन् । सीमा क्षेत्रमा प्रहरीको बढ्दो सक्रियता र मानव वेचविखन विरुद्धका संघसंस्थाहरुको समन्वयका कारण दलालहरुले युवती भारत लैजान नौलो तरिका अपनाउने गरेका छन् । विपन्न समुदायका महिलाहरुलाई फकाएर दलालहरुले छोटो बाटो पैसा कमाउने प्रलोभनमा पार्ने गरेको प्रहरी निरिक्षक नमराज भट्टराई बताउनुहुन्छ । कृष्णनगर नाकाबाट पक्राउ परेका अधिकांश व्यक्ति दलाल नभई विचौलिया हुने गरेको उहाको भनाई छ । एउटा युवती नेपालबाट दिल्ली पुरयाए १० हजार रुपियाँ दिन्छन, कसैले चार जनासम्म पनि लग्ने गरेको ” उहाँले भन्नुभयो ।

दलालहरुले निकै चलाखीपूर्ण रुपमा विचौलियाहरुलाई समेत थाहा नदिई युवतीलाई ओसारपसार गराउने र विक्रि गर्ने गरेको केआई नेपालका संयोजक केशर विक बताउनुहुन्छ । अहिले भूकम्पमा परि पीडित भएका युवती तथा ग्रामिण भेगका महिलाहरुलाई भारत हुदै वैदेशिक रोजगारीमा पठाउने भन्दै दलालहरु सक्रिय रहेको उहाको दाबी छ , “कुवेत, बहराईन, इजरायलमा नेपालबाट जान नपाइने, भारतबाट सजिलै गइन्छ भन्दै फकाएर दिल्ली, मुम्बई, लगायतका स्थानमा नेपाली चेलीहरु बेचिन्छन”

आइतबार मात्रै संस्थाले सीताले भारत लैजादै गरेकी रोल्पा र सल्यानकी दुई युवतीलाई आफन्तको जिम्मा लगाएको छ । प्रहरीले घटनाका मुख्य दलालको व्यापक खोजी गरिरहेको छ । प्रहरी निरिक्षक भट्टराईले पीडितको बयानको आधारमा आफुले अनुसन्धान सुरु गरेको बताउनुभयो । थोरै रकममा ठूलो जोखिम मोलेर विना जानकारी व्यक्तिहरु मानवओसार पसारमा संलग्न हुँदा सजाय भोग्नुपरिरहेको प्रहरी उपरिक्षक विष्णु केसी बताउनुहुन्छ ।

थप समाचार
प्रतिकृया
नाम

ईमेल

ठेगना