प्रविधिमैत्री र सीपमूलक शिक्षामा राज्यले जोडदिन्छ- मन्त्री मैनाली

बिष्णुप्रसाद पोखरेल, दमक, बैशाख १३ गते । उपप्रधान, महिला, बालबालीका तथा समाज कल्याणमन्त्री सिपी मैनालीले शिक्षा क्षेत्रमा राज्यले गरेको लगानीको प्रतिफल सन्तोषजनक नरहेको भन्दै यसलाई सुधार गर्नका लागि सबै मिलेर अघि बढ्नु पर्नेमा जोड दिनु भएको छ ।

अबको शिक्षा परम्परागत हुनु नहुने बताउदै प्रविधिमैत्री र सीपमूलक शिक्षामा राज्यले जोड दिने जनाउदै उहाँले यस्तो बताउनु भएको हो ।
झापाको शनिअर्जुन नगरपालिका स्थित लक्ष्मीपुर माध्यमिक विद्यालयमा निःशुल्क पाठ्पुस्तक वितरण तथा मल्टी मिडिया स्मार्ट बार्डको उदेघाटन गर्दै उपप्रधानमन्त्री मैनालीले २०३५ सालबाटै निशुल्क शिक्षाको थालनी गरिए पनि लोकतन्त्रको स्थापना पछि माध्यमिक तहसम्म निशुल्क शिक्षा ब्यवस्था भएको भन्दै यसले सबैमा शिक्षाको पहुच पुग्ने दाबी गर्नु भयो । उहाँले भन्नुभयो–‘एक /दुई प्रतिशत बाहेक सबै सामुदायीक विद्यालयको स्थिती निराशाजनक रहेकोले सबै मिलेर समधान गर्नु पर्छ ।’
बालबालिकाहरुको पढ्न पाउने अधिकारलाई शुनिश्चित गर्नका लागि राज्यले माध्यमिक तहसम्म निशुल्क शिक्षाको ब्यवस्था गरेको उल्लेख गर्दै यसको प्रतिफल भने निराशजनक हुनु बिडम्बना भएको उहाँको भनाई थियो । उहाँले भन्नुभयो–‘अब सरकारको ध्यान रोजगारमूखि शिक्षामा हुनेछ र प्रविधिमैत्री शिक्षामा जोड दिइने छ ।’ मूलकको सम्बृद्धि, बिकास र आत्मनिर्भरताका लागि सिप र शिक्षा जरुरी भएकाले यसमा सरकारको लगानी बढि हुने उहाँको भनाई थियो ।
यसैबीच उपप्धानमन्त्री मैनालीले संबिधान कार्यन्वयन गर्दै मूलकलाइ आर्थिक सम्बृद्धिको दिशामा लैजान यो सरकार प्रतिबद्ध रहेको बताउनु भएको छ । नेपाली काँग्रेस सरकारमा नआएपनि संबिधान कार्यन्वयनमा सहयोग गर्नु पर्ने भन्द मैनालीले यो सरकारको मूख्य कार्यभार संबिधान कार्यन्वयन र मूलकलाई सम्बृद्धितर्फ उन्मूख गराउनु नै भएको जिकिरि गर्नु भयो ।
झापाको वीरता जेसीजका पूर्व अध्यक्षहरुको क्लबले वर्ष २०७२ का उत्कृष्ट नागरिकको सम्मान कार्यक्रममा बोल्दै उहाँले यस्तो बताउनु भएको हो । उहाँले भन्नुभयो–‘संबिधानको कार्यन्वयन गर्नु सबै राजनीतिक दलहरुको सहयोग आवश्यक पर्छ ।’ काँग्रेसले बिपक्षमा रहेर रचानत्मक सहयोग गर्नु पर्ने र मधेशमा आन्दोलनरत दलहरुले सरकारसंग वार्तामा बसेर समस्याको सामधान खोज्नु पर्नेमा उहाँको जोड थियो ।
मूलकलाई अग्रगतिमा लैजान र सम्बृद्धिको दिशामा डोर्याउनका लागि पनि सबैको एकता र सहकार्यमा मैनालीले जोड दिनु भयो । सो कार्यक्रममा उत्कृष्ठ नागरिकको रुपमा डा. कालुराम खम्बु (के.आर.) लाई मैनालीले सम्मान गर्नु भएको थियो । खोटाङको दुर्गम गाउँमा जन्मेका डा.खम्बु लामो समयदेखि झापामा बसोबास गर्दै आउनु भएको छ ।
झापाबाटै एसएलसी, बिराटनगरबाट बिएसी र काठमाडौबाट एमएसी गरेका खम्बुले जीव विज्ञानमा विद्यावारिधी गर्नु भएको छ । डा. खम्बुले कछुवा संरक्षणका लागि पहल गर्दै आउनु भएको छ । २०५० सालबाट मेची बहुमुखी क्याम्पस भद्रपुरमा प्राध्यापन गराउँदै आउनु भएका उहाँ राष्ट्रिय शिक्षा पुरस्कारबाट पनि पुरस्कृत भइसक्नु भएको ब्याक्तित्व हुनुहुन्छ ।

थप समाचार
प्रतिकृया
नाम

ईमेल

ठेगना