सुदूरपश्चिमका सरकारी विद्यालय विभिन्न बहानामा भर्ना शुल्क असुल्दै

भवानी ऐर
कैलाली, बैशाख १३ गते । सरकारले मावि तहसम्म निःशुल्क शिक्षाको व्यवस्था गरेको भए पनि सुदुरपरिचमका अधिकांश सरकारी विद्यालयले विभिन्न बहानामा विधार्थीबाट शुल्क लिइरहेका छन् । नयाँ शैक्षिकसत्र सुरु भएसंगै कतिपय विधालयले चर्को शुल्क लिर्दै कक्षगत भर्ना गरिरहेको अभिभावकको गुनासो छ ।
शिक्षा नियमावली विपरित सुदूरपश्चिमका अधिकांश सामुदायिक विधालयले विधार्थीसंग चर्को शुल्क असुली रहेका छन् । माध्यमिक तहसम्म निशुल्क शिक्षा दिने सरकारको नितीविपरित यहाँका सामुदायिक विधालयले विभिन्न बहनामा शुल्क लिने गरेकोप्रति अविभावकले गुनासो गरेका छन् । विभिन्न बाहनामा सामुदायिक विधालयहरुले विधार्थीबाट शुल्क लिने गरेको भन्दै विधार्थी, अविभावक लगायतका संघसंगठनले सम्बन्धित जिल्ला शिक्षा कार्यालयसंग पटक पटक कुरा उठाएको भएपनि शिक्षा निकायको बेवास्ताले एकातिर नियमावली खोस्टो बनेको छभने अर्कोतिर बारम्बारको चर्कोशुल्क तिर्न नसकि वीचैमा पढाई छोड्नेको संख्या बढ्दै गएको पाईएको छ ।
 बैतडीको कैलपाल र हालको पाटन नगरपालीकमा पर्ने कैलाश निमाविले विधार्थीहरुबाट भर्ना शुल्क, परिक्षा शुल्क र चन्द गरी ठूलो रकम लिने गरेको छ । प्राविसम्म स्थायी शिक्षक रहेपनि निमाविमा निजी स्रोतका शिक्षकहरु भएकोले शिक्षकहरुलाई तलब खुवाउन शुल्क लिने गरेको विधालय स्रोतले जानकारी दिएको छ ।
यस्तै बैतडीकै गाजँरी गाविसको सुगरखालमा रहेको केदार निमाविले पनि निजी स्रोतबाट शिक्षकहरु राखी विधालय सञ्चालन गरिरहेको बताएको छ । आर्थिक स्रोतको मुख्य आधार विधाथीहरु नै भएकाले भर्ना शुल्क भनेर नलिएपनि प्रत्येक घरधुरी चन्दा लिने गरेको विधालय स्रोतको भनाई छ ।
उता बालविकास उमावि गोलाइ बझाङले कक्षा १ को ७० रुपैयाँ र कक्षा दशको चारसय पचास रुपैयाँ भर्ना शुल्क लिने गरेको अभिभावाकको गुनासो छ । त्यस्तै सत्यवादी उच्च माध्यमिक विद्यालय भोपुर बझाङले समेत वर्षेनी कक्षा ६ देखि ८ सम्म पाँचसय र कक्षा ९ र १० मा पाँचसय पचास भर्ना शुल्क लिने गरेको छ । त्यस्तै सुदुरपश्चिमका अन्य विधालयहरुले पनि विभन्न बहाना बनाउँदै कक्षा १ देखि नै भर्ना शुल्क लिइरहेको भएपनि सम्बन्धित जिल्ला शिक्षा कार्यालयले कुनै वास्ता नगरेको स्थानीयहरुको गुनासो छ ।
सत्यवादी उमाविमा आफ्नो छोरालाई कक्षा १० मा भर्ना गर्दा पाँचसय पचास तिरेको तर विधालयले रसिद समेत नदिएको चैनपुरका सुशिलमान श्रेष्ठले बताउनुभयो । उहाँले जिल्ला सदरमुकाम सेरोफेरोका सामुदायिक विधालयले यसरी बिभिन्न बहानामा विद्यार्थीबाट रकम उठाउँदा पनि सरकारले कारबाही नगर्नु गैर जिम्मेवारीपन भएको आरोपसमेत लगाउनुभयो ।
यस्ता उदाहरण सुदूरपश्चिमका प्रावि तहदेखि उमावि सबै तहका विधालयले भर्ना शुल्क परीक्षा शुल्क, अनुउपस्थित शुल्क लगायतका अन्य शुल्क लिने गरेका छन् । विद्यालयले अनावश्यक शुल्क लिएर कमाई खाने भाडो बनाएको यसक्षेत्रका वासिन्दाको भनाई छ ।

थप समाचार
प्रतिकृया
नाम

ईमेल

ठेगना