नयाँ शक्ति पार्टीका केन्द्रीय पार्षद सदस्य लाखौं पाउण्डको चिठ्ठा ठगीमा गर्ने पक्राउ

काठमाडौं, बैशाख १२ गते । पाँच  लाख पाउण्डको चिठ्ठा पर्‍यो भनी ठगी गर्ने समूहका एजेन्ट जिल्ला ओखलढुंगा, दियाले गा।वि।स। वडा नं। १ स्थायी ठेगाना  भएका बर्ष ३१ का अशोक कुमार थापालाई केन्द्रीय अनुसन्धान ब्यूरोको टोलीले

शुक्रबार सुकेधारा, काठमाडौंबाट पक्राउ गरेको छ । सो कार्यमा संलग्न अन्यको खोजीकार्य भैरहेको छ । 

पक्राउ परेका थापा नयाँ शक्ति पार्टीका केन्द्रीय पार्षद सदस्य तथा माओवादीका पूर्वलडाकु तथा कम्पनी कमाण्डर भएको बुझिएको छ ।


कसरी भएको थियो ठगी रु
पेप्सी मोबाइल ड्र् युकेबाट पाँच लाख पाउण्ड पुरस्कार परेको भनी पोखराकी एक महिलाको मोबाइलमा युके को नंबरबाट पटक(पटक म्यासेज र फोन गरी उक्त रकम नेपाल पठाउन र सो सिलसिलामा वकिल खर्च बापत केही शुल्क लाग्छ, सो रकम हुण्डी मार्फत पठाउनु भनी बारम्बार फोन र म्यासेज गरिएको थियो।  पीडित महिलालाई हुण्डीबाट रकम पठाउने कार्यको बिश्वास नलागी बैंकिङ च्यानल मार्फत मात्र पैसा पठाउने अडान लिएपछि बेलायत को नंबरबाट पुनस् फोन गरी नेपाल स्थित आफ्नो एजेन्ट सुर्यज्योती इन्भेष्टमेन्ट प्रा।लि।को नेपाल एस।बि।आइ बैंक, बौद्ध शाखाको खातामा रकम जम्मा गर्नु भनी अनुरोध गरेपछि बैंकिङ च्यानल मार्फत रकम पठाउनु भनेकाले पीडितलाई विश्वास लागि फोनमा भने बमोजिमको रकम रु सात लाख पचिस हजार आठ सय पटक( पटक गरी बिभिन्न मितिमा जम्मा गरे पश्चात् सो खाताका खातावाल अशोककुमार थापाले सोही बैंकको बौद्ध शाखाबाट पटक(पटक गरी चेक मार्फत रु।सात लाख पच्चीस हजार भुक्तानी लिई ठगी गरी फरार रहेका थिए ।
के हुन्छ कारवाही ?


पक्राउ प्रतिवादी अशोक कुमार थापा उपर काठमाडौं जिल्ला अदालतबाट सात दिनको म्याद लिई मुलुकी ऐन, ठगीको महल अन्तर्गत अनुसन्धान कार्य भैरहेको छ । कसूर ठहरिएमा पीडितलाई बिगो भराई बिगो बमोजिम जरिवाना र पाँच बर्षसम्मको कैद सजाय हुने कानुनी व्यवस्था रहेको छ ।

 

 

केन्द्रीय अनुसन्धान ब्यूरोको अपील


साथै प्रहरीको केन्द्रीय अनुसन्धान ब्यूरोले विगत केही समय अघिदेखि चिठ्ठा ठगीका अन्तराष्ट्रिय गिरोहले विभिन्न विषयमा हुँदै नभएको चिठ्ठा पर्‍यो भनी ठग्ने गिरोह सक्रिय भएको पाइएकाले मोबाइल नंबरमा वा ईमेलमा नेपाल तथा विदेशको कुनैपनि नंबरबाट लक्की ड्् तथा त्यस्तै प्रकारको कुनै चिठ्ठा परेको भनी कसैले फोन, म्यासेज, ईमेल गरेको छ भने त्यो ठगी गर्ने प्रयोजनको लागि गरिएको हो भनी सचेत रहन अपील गरेको छ । त्यस्तो प्रकारको फोन, म्यासेज, ईमेलको तपाईंले प्रतिक्रिया गर्नुहुँदा ठगहरुले  ठुलो रकम भएकाले त्यसलाई नेपाल पठाउन कर शुल्क तथा वकिल बापत केही शुल्क लाग्छ भनी विश्वासमा पारी सो रकम हुण्डी मार्फत पठाउन वा नेपालमा रहेको एजेन्टको बैंक खातामा जम्मा गर्न अनुरोध गर्न सक्दछन् । कोही कसैले त्यस्तो अनुरोध गरेमा त्यस अनुरुप नगर्न, नगराउन अनुरोध गरिन्छ । यसरी कोही(कसैले निम्न व्यहोराको म्यासेज मार्फत वा अन्य कुनैपनि तरिकाले तपाईंलाई सम्पर्क गरी प्रलोभनमा पार्ने प्रयास गरेमा सोको जानकारी तत्काल यस ब्यूरोको फोन नं। ०१-४४११७७६ वा ९८५१२८३१४० मा गराउन हुन तथा कोही महानुभाव यस्तै प्रकारले ठगिनु भई पीडित भैसक्नु भएको भएपनि यस ब्यूरमा उपस्थित भई सूचना दिनुहुन समेत आग्रह गरिएको छ  ।

 

थप समाचार
प्रतिकृया
नाम

ईमेल

ठेगना