एडम्सको शव एकेडेमीमा

 

काठमाडौँ, वैशाख १२ गते । यही वैशाख १० गते निधन हुनुभएका पत्रकार बारबारा एडम्सको पार्थिव शरीरलाई श्रद्धाञ्जलिका लागि नेपाल प्रज्ञा–प्रतिष्ठान, कमलादीमा सोमबार बिहान ९ देखि ११ बजेसम्म राखिने भएको छ ।

त्यसै दिन एडम्सको अन्तिम चाहना बमोजिम उहाँको दासंस्कार पशुपति आर्यघाटमा गर्ने कार्यक्रम तय गरिएको छ बारबरा शान्ति प्रतिष्ठानले जनाएको छ ।

बेलायती महारानी एलिजावेथ द्वितीयाको नेपालमा सम्पन्न राजकीय भ्रमणको सिलसिलामा उहाँ सन् १९६० मा पहिलो पटक नेपाल आउनुभएको थियो । नेपाल आएपछि उहाँ मृत्युपर्यन्त नेपालमै रहँदै आउनुभएको थियो । नेपालमा व्यावसायिक पर्यटनको सुरुआत तथा प्रवद्र्धन गर्न एडम्सको अमूल्य योगदान रहेको छ । नेपाली समाजका विविध विधामा उहाँले स्वतन्त्र कलम चलाउँदै आउनुभएको थियो ।

उहाँले २०६५ सालमा नेपाली नागरिकता प्राप्त गर्नुभएको थियो । उहाँ पछिल्ला वर्षमा नेपालको सुदूरपश्चिमका बैतडी र दार्चुला जिल्लाका भूमिहीन र सुकुम्बासीका लागि घर बनाउने अभियानमा सक्रिय हुनुहुन्थ्यो । उहाँले खोजी पत्रकारिताको संस्थागत विकास होस् भन्ने उद्देश्यले त्रिवि, पत्रकारिता तथा आमसञ्चार केन्द्रीय विभागमा ‘बारबरा एडम्स खोजी पत्रकारिता सम्मान’ स्थापना गर्नुभएको थियो । रासस

थप समाचार
प्रतिकृया
नाम

ईमेल

ठेगना