• ६ चैत २०८०, मङ्गलबार

पर्यटकको आगमनले तङ्ग्रिदै हुम्ला पर्यटन (फोटो फिचर)

blog

राजन रावत

हुम्ला, भदौ १८ गते । पर्यटन क्षेत्रको ठूलो सम्भावना भएको हुम्ला पुनः पहिलेकै लयमा फर्किन थालेको छ । बिशेषगरी सदगुुरुसहितको टोली सिमकोट हुँदै मानसरोवर कैलाशको दर्शन गर्न लाप्चा जान सुुरु गरेपछि धार्मिक पर्यटकले यो क्षेत्र चलायमान भएको हो । 

पर्यटन ब्यावसायी बिजय लामाले कोरोनापछि यहाँको पर्यटन क्षेत्र लयमा फर्कन थालेको बताउनुुभयो । यसका लागि सदरमुकाम सिमकोट मात्र नभएर लाप्चासम्म हिजोआज चहल पहल बढेको उहाँको भनाइ छ । हवाई जहाजको बाक्लो उडान हुन थालेको उहाँले बताउनुभयो ।

हेलिकोप्टरको उडान नाम्खा गाउँपालिका –१ को लेकधिंगाबाट ताक्ची र ताक्चीबाट सिमकोटसम्मको उडान सघनरुपमा भइरहेको उहाँले बताउनुभयो । सिमकोट बिमानस्थल हेलिकोप्टर जहाजको उडानले निक्कै ब्यस्त हुन थालेको स्थानीयले बताएका छन् । 

दैनिक रुपमा नेपालगञ्जबाट साठीभन्दा बढी पर्यटक भित्रिने गरेको व्यावसायी लामाले बताउनुभयो । यसलेगर्दा होटल ब्यावसायीलाई राहत महशुुस भएको उहाँले सुनाउनुभयो । दुुई वर्षसम्म कोरोनाका कारण होटल ब्यवसाय धराशयी भएकोबेला पर्यटकहरुको आगमनले टेवा पुग्ने विश्वास यहाँका व्यावसायीको छ ।