दलहन बालीमा किसानको आकर्षण घट्यो






बर्दिवास, वैशाख ४ गते। महोत्तरी जिल्लामा दलहन ९दाल० बाली उत्पादनमा निक्कै कमी आएको छ । एकदशक अघिसम्म दालका लागि आत्मनिर्भर यस जिल्लामा अब दलहन बाली लगाउन छाडिएको छ ।

रहर, चना ९बदाम०, मुसुरो, मुग, रहरिया ९बकुल्ला०, मास, केराउ र अन्य कोसेबाली लगाउन छाडिएपछि दालहन बाली उत्पादनमा कमी आएको जिल्ला कृषि विकास कार्यालयले जनाएको छ ।

करिब १० वर्ष पहिलेसम्म १० हजार मेट्रिक टन उत्पादन हुने गरेको दलहनबाली यसपाली एकहजार ३०० मेट्रिक टनमा झरेको कार्यालयका कृषिप्रसार अधिकृत बेचनप्रसाद साहले बताउनुभयो । यद्दपि गत आवको तुलनामा चालु आवमा भने दलहन उत्पादन केही बढेको कार्यालयले जनाएको छ ।

गत वर्ष जिल्लामा दलहनबाली ८०० मेट्रिक टन मात्र उत्पादन भएको थियो । गतवर्ष ७६२ हेक्टर जग्गामा लगाइएको दलहन बालीको क्षेत्रफल पनि यसपाली भने थोरै बढेको छ ।

मुसुरो, मुग चनाजस्ता दलहनबाली उल्लेख नै गर्नेगरी नलगाइएको भए पनि रहर र बकुल्ला गरी यसपाली एकहजार ५०० हेक्टरमा दलहनबाली लगाइएको छ । यसपाली रहरमा राम्रो कोसा लागेकाले एक हजार एकसय २५ हेक्टरमा एकहजार १३ मेट्रिक टन उत्पादन भएको बाली विकास अधिकृत साहको भनाइ छ ।

पछिल्ला वर्षमा किसानले नगदे बालीबाट बढी कमाइने भएपछि दलहनबाली लगाउनेको सङ्ख्या घटेको कृषि विज्ञको भनाइ छ । जिल्लाका किसान पछिल्ला १० वर्षयता बेमौसमी तरकारीखेती र उखु खेतीतिर आकर्षित भएकाले दलहनबाली लगाइने जग्गाको क्षेत्रफल र उत्पादन दुबै घट्दै गएको कृषि अधिकृत साहले बताउनुभयो ।

बेमौसमी तरकारी र उखुखेती गर्ने किसानको सङ्ख्या र जग्गाको क्षेत्रफलभने बर्सेनि बढ्दै गएको कार्यालयले जनाएको छ । रासस

थप समाचार
प्रतिकृया
नाम

ईमेल

ठेगना