संविधान जनचाहनाअनुसार संशोधन गर्न सकिन्छ–पूर्व सभामुख नेम्बाङ

भद्रपुर, चैत २४ गते । संविधानसभा पूर्व अध्यक्ष सुवासचन्द्र नेम्बाङले आफ्नो लागि आफैँले बनाएको नेपालको संविधान आवश्यकता एवम् जनचाहनाअनुसार संशोधन गर्न सकिने बताउनुभएको छ ।

झापाको खुदुनावारीस्थित साधुटारमा आज आयोजित सलकपुर–सतासी वातावरणमैत्री चुरे पदमार्ग र ग्रामीण पर्यटन अवधारणासम्बन्धी अन्तरक्रियामा उहाँले जारी संविधानले निकै लचिलो र जनताको अधिकार स्थापित गरेको बताउनुभयो ।

नेकपा (एमाल)े) संसदीय दलका उपनेता समेत रहनुभएका नेम्बाङले भारतमा अहिलेसम्ममा १२२ पटक संविधान संशोधन भएको जस्तै नेपालको संविधानलाई पनि संशोधन गर्न सकिने स्पष्ट पार्नुभयो ।

चुरे संरक्षणका निम्ति राष्ट्रपति चुरे संरक्षण आयोजनाले चुरे संरक्षण हुने भूस्खलन् पनि जोगिने उहाँको धारणा थियो । उपनेता नेम्बाङले वनफँडानी रोक्न नसकेको खण्डमा अहिलेको अवधारणाले सार्थकता नपाउने भन्दै यो अवधारणाअनुसार काम भएमा यस क्षेत्रको विकासमा ठूलो मद्दत पुग्ने विचार व्यक्त गर्नुभयो ।

कार्यक्रम सांसद्द्वय रवीन कोइराला र सूर्यवाला राई तथा वेदवेलनाङ्का पूर्वप्राचार्य लक्ष्मीप्रसाद खतिवडाले चुरेको संरण र प्रवद्र्धनमा जोड दिनुभयो । रासस 

थप समाचार
प्रतिकृया
नाम

ईमेल

ठेगना