मन्त्री पोखरेलद्वारा एसएलसी परीक्षाको अनुगमन

भक्तपुर,  चैत १९ गते । शिक्षामन्त्री गिरिराजमणि पोखरेलले आज भक्तपुरका दुईवटा परीक्षा केन्द्रमा गएर एसएलसी परीक्षाको अनुगमन गर्नुभएको छ । परीक्षा व्यवस्थित र मर्यादित भए÷नभएकोबारे जानकारी लिन अनुगमन गर्न मन्त्री पोखरेलले भक्तपुर आउनुभएको हो ।

एसएलसी परीक्षाअन्तर्गत आज भएको दोस्रो दिनको नेपाली विषयको परीक्षा सञ्चालन भइरहेको भक्तपुर च्यामासिंहस्थित बागेश्वरी उच्च माध्यमिक विद्यालय र मध्यपुरथिमिको लायकूस्थित आदर्श उच्चमावि परीक्षा केन्द्रमा भइरहेको परीक्षाको उहाँले अनुगमन गर्नुभयो ।

अनुगमनपछि प्रतिक्रिया दिँदै मन्त्री पोखरेलले विद्यार्थीको भविश्य देशको भविश्यसँग जोडिएकाले शैक्षिक वातावरण सिर्जना गर्नुपर्ने आवश्यकता रहेको बताउनुभयो । उहाँले भूकम्पपछि पनि विद्यार्थीले शान्त, चिन्तारहित र मर्यादित ढङ्गबाट परीक्षा दिनुले शैक्षिक वातावरण राम्रो रहेको पुष्टि हुने उल्लेख गर्नुभयो ।Mantri Pokharayal

मन्त्री पोखरेलले लेटर ग्रेडिङ प्रणालीले विद्यार्थीमा शिक्षाप्रतिको त्रसित मानसिकताको अन्त्य भएको बताउँदै शिक्षामा धेरै विषयहरु रुपान्तरण गर्नुपर्ने आवश्यकता रहेको आँैल्याउनुभयो ।

उहाँले लेटर ग्रेडिङ प्रणाली शिक्षा पुनर्गठनको एउटा अध्याय भएको बताउँदै विगतमा परीक्षार्थीमा डर र त्रास हुने गरे पनि अहिलेको परीक्षामा परीक्षार्थीले ढुक्क र उच्च मनोबलका साथ परीक्षा दिएको आफूले पाएको बताउनुभयो । लेटर ग्रेडिङ सिस्टमले शिक्षामा आमूल परिवर्तन ल्याउने बताउँदै उहाँले यसबारे अन्योल र भ्रममा नपर्न आग्रह गर्नुभयो ।

सोही अनुगमन टोलीमा रहनुभएका परीक्षा नियन्त्रक कृष्णप्रसाद काप्रीले देशभर परीक्षा शान्तिपूर्ण रुपमा सञ्चालन भइरहेको बताउनुभयो । अनुगमनमा शिक्षा मन्त्रालयका योजना महाशाखाका सहसचिव लवदेव अवस्थी, भक्तपुरका जिल्ला शिक्षा अधिकारी दिनेशकुमार श्रेष्ठ, प्रहरी उपरीक्षक किरण बज्राचार्यलगायतले परीक्षाको अनुगमन गर्नुभएको थियो । रासस

थप समाचार
प्रतिकृया
नाम

ईमेल

ठेगना