‘आइसफल डाक्टर’ सगरमाथामा बाटो बनाउँदै

सन्तोष राउत

सोलुखुम्बु, चैत १८ गते ।  स्प्रिङ सिजनको सगरमाथा आरोहण समय सुरु भएसँगै सगरमाथामा जाने क्याम्प–२ सम्मको बाटो निर्माण अन्तिम चरणमा पुगेको अवस्थामा मौसम प्रतिकूलताले समस्या भएको छ ।  क्याम्प–१ मा पुग्न करिब दुई दिनको काम बाँकी रहेको अवस्थामा हावा, पानीसँगै हिमपातका कारण अवरोध सिर्जना भएको हो ।
खुम्बु क्लाइम्बिङ सेन्टरले आइसफल डाक्टरलाई यसअघि खुम्जुङको फोर्चेमा तालिम दिँदै आएकोमा यसवर्ष सगरमाथा आधार शिविरमै प्रशिक्षणसँगै सगरमाथा आरोहणको बाटो निर्माण तथा प्राविधिक तयारीको काम फागुनको तेस्रो साताबाट थालिएको सगरमाथा प्रदूषण नियन्त्रण समिति एसपीसीसीका कार्यक्रम अधिकृत कपिन्द्र राईले जानकारी दिनुभयो ।  क्याम्प ‘वान्’ मा पुग्न दुई दिन बाँकी रहेको र क्याम्प ‘टु’ मा पुग्न करिब एक साता लाग्न सक्छ –उहाँले भन्नुभयो ।   ice fall
यसपटक सगरमाथा क्षेत्रमा एसपीसीसीका आठसहित १० आइसफल डाक्टर आरोहण मार्ग तयारीका लागि खटिएका छन् ।  स्थलगत रूपमै तालिम दिँदा त्यसको अनुभव र प्रभावकारिता उत्कृष्ट हुने भएकाले आधारशिविरमै तालिम दिन लागेको एसपीसीसीले जनाएको छ ।  तालिमसँगै आइसफल डाक्टरले आल्मुनियमका भ¥याङ जोडेर सगरमाथाको चुचुरोसम्म पुग्ने बाटो निर्माण गर्नेछन् ।  
वि.सं. २०७१ सालमा आधार शिविरनजिकै हिमपहिरो गएर १९ जनाको ज्यान जाने गरी ठूलो दुर्घटना भएको र गत वैशाखको भूकम्पका कारण लगातार दुई वर्ष आरोहण कार्य प्रभावित भएको थियो ।  हरेक वर्ष आरोहणको समयमा हिउँ परेर बिग्रिएको पुरानो बाटो पहिल्याउँदै नयाँ बाटो निर्माण गर्ने गरिन्छ ।  यसरी हिउँमा बाटो बनाउने अनुभवी र दक्ष व्यक्तिलाई ‘आइसफल डाक्टर’ भन्ने गरिन्छ ।  
भूकम्पका कारण सगरमाथा आरोहणका लागि राखिएको भ¥याङ, डोरीसहित अन्य प्राविधिक सामग्री पहिरोमा हराउनुका साथै बिग्रिएपछि यसपटक नयाँ सामग्री लगिएको छ ।  भूकम्पले ठूला खाल्डा र चिरा पारेको भेटिएपछि यसपटक बाटो बनाउन भ¥याङसमेत धेरै प्रयोग भएका छन् ।  सगरमाथा प्रदूषण नियन्त्रण समिति (एसपीसीसी) को संयोजनमा बाटो बनाइरहेका आइसफल डाक्टरले क्याम्प–१ नपुग्दै करिब ५० भन्दा बढी भ¥याङ प्रयोग भइसकेका छन् भने क्याम्प–२ सम्म पुग्न सयभन्दा बढी भ¥याङ लाग्ने अनुमान गरिएको छ ।  
सगरमाथामा धेरै खाडल र चिरा परेकाले यति धेरै भ¥याङ हालिएको यो पहिलोपटक हो ।  धाँजा फाटेका ठूला हिमाल र हिउँबीच भ¥याङ हालेपछि मात्रै आरोही सगरमाथाको चुचुरोसम्म पुग्न सक्छन् ।  ५,३६४ मिटर उचाइमा रहेको सगरमाथा आधार शिविरबाट ६,४०० मिटर उचाइको क्याम्प दुईसम्म दर्जनौँ सानाठूला हिमखाल्डा छन् ।  क्याम्प–२ भन्दा तल धेरै खाल्डा भएकाले बाटो बनाउने धेरै काम त्यहाँ गर्नुपर्छ ।  क्याम्प–२ माथि हिमखाल्डा खासै छैनन् ।  क्याम्प–२ भन्दा माथिका लागि बाटो खोल्ने तथा डोरी बाँध्ने काम आरोहण टोलीका प्राविधिकले गर्छन् ।  
 

थप समाचार
प्रतिकृया
नाम

ईमेल

ठेगना