विद्यालयका लागि जग्गा दान

नवलपरासी, चैत ७ गते । नवलपरासीमा विद्यालयको भवन निर्माण गर्न समाजसेवी एवम् शिक्षाप्रेमी चिन्ताबहादुर बस्नेतले जग्गा दान दिनुभएको छ । पिठौली निम्न माध्यमिक विद्यालयको दुईकोठे भवन निर्माण गर्न बस्नेतले करिब रु १० लाखको तीन कट्ठा १४ धुर जग्गा विद्यालयलाई दिनुभएको हो । जग्गा पाएसँगै पिठौली निम्न माध्यमिक विद्यालयको दुईकोठे नयाँ भवनको निर्माणकार्य सुरु गरिएको छ । जिल्ला शिक्षा कार्यालयको रु १३ लाख ५० हजारको लागतमा भवन निर्माणको काम सुरु गरिएको हो ।

भवन निर्माण गर्न जग्गा नहुँदा रकम फ्रिज हुन लागेको अवस्थामा बस्नेतले जग्गा विद्यालयको भवन निर्माण गर्न दिनुभएको थियो । भवन जेठ मसान्तभित्र निर्माण सम्पन्न गर्ने लक्ष्य लिइएको विद्यालय व्यवस्थापन समितिका अध्यक्ष कृष्णप्रसाद तिवारीले जानकारी दिनुभयो ।

थारु मिलन समारोह आयोजना ः सबै एकजुट हुन आवश्यक

आउँदो फागुपूर्णिमाको उपलक्ष्यमा नवलपरासीमा शनिबार थारु मिलन समारोह आयोजना गरिएको छ । थारु कल्याणकारी समाजको आयोजनामा परासी बुद्धचोकस्थित आयोजित थारु मिलन कार्यक्रममा थारु समुदायको संस्कृति तथा वेशभूषा झल्किने गरी विभिन्न सांस्कृतिक कार्यक्रम प्रस्तुत गरिएको थियो ।

समुदायमा आपसी सद्भाव तथा मेलमिलापको उद्देश्यले आयोजित थारु मिलन समारोहमा जिल्लाको विभिन्न ठाउँबाट थारुलगायत विभिन्न समुदायले झाँकी प्रदर्शन गर्दै कार्यक्रममा उपस्थित भएका थिए । रासस

थप समाचार
प्रतिकृया
नाम

ईमेल

ठेगना