दाङका वलीको साउदीमा मृत्यु

 

 

दमाम , चैत ४ गते। स्वदेश फर्कने तयारीमा रहेका एक नेपाली युवाको साउदी अरबमा ज्यान गएको छ ।

कोठाभित्रै लडेर टाउकोमा गम्भीर चोट लागेका दाङ, पुरनधारा–५ का ३७ वर्षीय प्रेमबहादुर वलीको उपचारका क्रममा बुधबार ज्यान गएको हो ।

काममा गएका साथीहरु साँझ फर्केर कोठामा आउँदा उनी कोठाभित्रै लडेको अवस्थामा देखेपछि उपचारका लागि अस्पताल लगिएको थियो ।

टाउकोमा गम्भीर चोट लागेका उनको उपचारकै क्रममा अस्पतालमै मृत्यु भएको उनका आफन्त मानदेवी केसीले बताउनुभयो । वलीको शव अहिले इस्टर्न अस्पताल खोबारमा राखिएको र उनको घरपरिवारलाई जानकारी गराइएको केसीले बताउनुभयो ।

पायल्स रोगले ग्रस्त बनेका वलीले एक महिनाअघि पायल्सको शल्यक्रिया गरेका थिए । पायल्सको शल्यक्रियापछि पनि वलीलाई निको नभएपछि कोठामै थला परेका थिए । उनी छ वर्षदेखि दमामको सनैयास्थित अल रसिद कम्पनीमा कार्यालय सहयोगीका रुपमा कार्यरत थिए ।

मृतक वलीको परिवारमा वृद्ध बुबाआमा, श्रीमती, एक छोरा र एक छोरी रहेका छन् । उनी तीन महिनापछि स्वदेश फर्कने तयारीमा रहेका थिए । रासस 

थप समाचार
प्रतिकृया
नाम

ईमेल

ठेगना