मुक्त कम्लरीलाई शैक्षिक सामग्री वितरण

दाङ, चैत ४ गते । नेपाल आदिवासी जनजाति महासङ्घ केन्द्रीय समितिले दाङको देउखुरीस्थित वाल जनता उच्च माध्यमिक विद्यालयमा अध्ययन गर्ने मुक्त कम्लरी बालिकालाई बुधवार रु दुई लाख रुपैयाँको शैक्षिक सामग्री र छात्रवृत्ति सहयोग प्रदान गरेको छ ।

३८ जना मुक्त कम्लरीलाई एक÷एक थान विद्यालय पोसाक र झोला प्रदान गरिएको हो । यस्तै, स्नातकोत्तर अध्ययन गर्ने वसन्ती चौधरी र सरस्वती चौधरीलाई रु १५÷१५ हजार गरी जम्मा रु ३० हजार रुपैयाँ छात्रवृत्ति प्रदान गरिएको छ । मुक्त कम्लरीका आफ्ना सामग्री राख्न ११ वटा स्टिलका दराज पनि सहयोग गरिएको छ । मुक्त कम्लरी विकास मञ्चको आयोजनामा कार्यक्रम भएको थियो ।

मुक्त कम्लरी विकास मञ्चकी दाङ जिल्ला अध्यक्ष सुनिता चौधरीको अध्यक्षता एवम् नेपाल आदिवासी जनजाति महासङ्घका केन्द्रीय महासचिव तथा सांसद पेम्वा भोटेको प्रमुख आतिथ्यमा मुक्त कम्लरीलाई शैक्षिक सामग्री वितरण गरिएको हो । कार्यक्रमलाई सम्बोधन गर्दै महासचिव भोटेले सरकारले मुक्त कम्लरी बालिकाको उच्च शिक्षा अध्ययन र भावी भविष्यका लागि लगानी लगाउनुपर्ने बताउनुभयो । रासस

थप समाचार
प्रतिकृया
नाम

ईमेल

ठेगना