निर्वाचन क्षेत्रमा बजेट विनियोजन

वीरगन्ज, फागुन २४ गते । निर्वाचन क्षेत्र पूर्वाधार विकास कार्यक्रमअन्तर्गत पर्सा निर्वाचन क्षेत्र नं २ मा रु एक करोड ५४ लाख बजेट विनियोजन गरिएको छ । सो क्षेत्रबाट निर्वाचित सांसद विचारी यादवको अध्यक्षतामा हिजो यहा“ बसेको निर्वाचन क्षेत्र पूर्वाधार विकास व्यवस्थापन समितिको बैठकले सो बजेट विनियोजन गरेको हो ।

विनियोजित बजेटमध्ये सुखचैनामा अधुरो छठघाट निर्माणका लागि रु १४ लाख, भौतिक पूर्वाधार निर्माणका लागि वीरगन्ज उपमहानगरपालिकास्थित सिद्धार्थ माध्यमिक विद्यालयमा रु आठ लाख, श्रीपुर माध्यमिक विद्यालयमा रु सात लाख, सुरजीदेवी माध्यमिक विद्यालयमा रु नौ लाख, रतनपुर विद्यालयमा रु सात लाख, श्रीपुर धर्मशाला निर्माणमा रु सात लाख, सुक्खा बन्दरगाहदेखि अपौनीसम्मको सडक निर्माणमा रु १५ लाख, भवानीपुरदेखि अपौनी सडकमा रु १० लाख, उदयपुर दलित बस्ती जाने बाटोमा रु १० लाख, परवानीपुरदेखि ताजपुर सडकमा रु १५ लाख, रामपुर नहरदेखि गद्यैया टोलासम्मको सडकमा रु १० लाख, चोर्नी गाविसस्थित विद्यालयदेखि जोशीको घरसम्मको सडक ढलाइमा रु १० लाख र वीरगन्ज उपमहानगरपालिका–१८ स्थितको सडकमा रु सात लाख बजेट विनियोजन गरिएको सांसद विचारी यादवले जानकारी दिनुभयो । रासस

थप समाचार
प्रतिकृया
नाम

ईमेल

ठेगना