बहुमत नआए पछि पुनः सभापतिको निर्वाचन हुने

 

काठमाडौँ, फागुन २४ गते। नेपाली काँग्रेसको १३औँ महाधिवेशनमा सभापति पदका लागि आइतबार भएको निर्वाचनमा कुनै पनि उम्मेदवारले पार्टीको विधानतः बहुमत पु¥याउन नसक्दा नयाँ नेतृत्वका लागि पुनः निर्वाचन हुने भएको छ ।

सभापति पदमा कुनै पनि उम्मेदवारले ५१ प्रतिशत मत प्राप्त गर्न नसकेपछि पुनः दोस्रो चरणको निर्वाचन हुने भएको हो ।

बिहान करिब ५ः३० बजे सम्पन्न मत परिणामअनुसार सभापतिका प्रत्यासी वरिष्ठ नेता शेरबहादुर देउवाले एक हजार ५६४ र कार्यबाहक सभापति रामचन्द्र पौडेलले एक हजार १५२ मत प्राप्त गर्नुभएको छ ।

प्राप्त मत परिणामअनुसार वरिष्ठ नेता देउवाको अग्रता रहे पनि ११ मत नपुगेकाले पार्टी सभापति बन्न सक्नुभएन । सभापतिका अर्का प्रत्यासी महामन्त्री कृष्णप्रसाद सिटौलाले ३२४ मत प्राप्त गर्नुभएको छ ।

काँग्रेसको विधानअनुसार सभापति पदमा ५१ प्रतिशत मत ल्याउनै पर्ने प्रावधानका कारण तीनजना प्रतिस्पर्धीले उक्त मत प्राप्त गर्न नसकेकाले दोस्रो चरणको मतदानको तयारी भएको छ ।

काँग्रेसको केन्द्रीय निर्वाचन समितिले पार्टीका प्रमुख नेताहरुसँगको छलफलपछि मतदान प्रक्रियाका बारेमा टुङ्गो लाग्ने समितिका सचिव जगन्नाथ श्रेष्ठले राससलाई जानकारी दिनुभयो ।
जम्मा खसेको तीन हजार १४८ मध्ये १०० मत बदर भएको निर्वाचन समितिले जनाएको छ । आइतबार बिहान ८ः४५ बजेदेखि सुरु भएको निर्वाचन राति करिब १० बजे मात्रै सम्पन्न भएको थियो । सोमबार राति १ः५५ बाट मतगणना सुरु भएको थियो ।
राजधानीको राष्ट्रियसभागृहमा भएको निर्वाचनमा कुल तीन हजार १६१ मतदातामध्ये तीन हजार १४७ ले मतदान गरेका थिए । तीन पदाधिकारीसहित ६१ केन्द्रीय सदस्यका लागि ३११ जनाले प्रतिस्पर्धा गरेका छन् ।रासस

 

थप समाचार
प्रतिकृया
नाम

ईमेल

ठेगना