लियोनार्डोर्ले पहिलो पटक चुमे ओस्कार


लसएन्जेल्स । नेपाली समय अनुसार सोमबार बिहान हलिउडमा सम्पन्न यस वर्षको ८८ औं ओस्कार एवार्डतर्फ सर्वोत्कृष्ट अभिनेताको पुरस्कार लियोनार्डो डिक्याप्रिओले हात पारेका छन् । उनले यो पुरस्कार दि रेभेनण्ट चलचित्रमा अभिनय गरे वापत जितेका हुन् । यस अघि विभिन्न चलचित्रका लागि विभिन्न विधामा छ पटकसम्म ओस्कारका लागि मनोनित भए पनि उनले यस पटकमात्र ओस्कारलाई पहिलो पटक चुम्ने अवसर पाएका हुन् ।एवार्ड लिंदै लियोनार्डोले विश्व जलवायु परिवर्तनबारे मानव जगतले सजग हुनुपर्ने विचार व्यक्त गरे । 
यसैगरी सर्वोत्कृष्ट अभिनेत्रीको पुरस्कार चलचित्र रुम का लागि ब्री लार्सनले जितिन् भने सर्वोत्कृष्ट निर्देशकको एवार्ड दि रेभेनण्टका निर्देशक अलेक्जेण्डर जी इनिहारिटुले आफ्नो पोल्टामा पारे । यो समेत उनले चौथो पटक ओस्कारलाई घर लगिसकेका छन् । स्पटलाइटले सर्वोत्कृष्ट चलचित्रको विधामा जित मा–यो भने विदेशी भाषाको सर्वोत्कृष्ट चलचित्रमा हंगेरीको चलचित्र सन अफ सोल ले जित्यो ।

 

एजेन्सी

थप समाचार
प्रतिकृया
नाम

ईमेल

ठेगना