४८ घण्टाभित्र दोस्रो विमान दुर्घटना, चालकसहित दुई जनाको मृत्यु

 

 

काठमाडौँ, फागुन १४ गते। नेपालगञ्जबाट जुम्लाका लागि उडेको एयर काष्ठमण्डपको विमान कालीकोटमा दुर्घटनामा परेको छ ।
जिल्ला सदरमुकामदेखि ५ घण्टाको दुरीमा रहेको पाडमघाट क्षेत्रमा विमान दुर्घटना भएको खबर प्राप्त भएको जिल्ला प्रहरी कार्यालय कालीकोटले पुष्टि गरेको छ । दुर्घटनाको खबर प्राप्त हुनासाथ प्रहरी घटनास्थलतर्फ गएको छ । घटनाको यकिन विवरण भने आइनसकेको प्रहरीले जनाएको छ ।
नेपालगन्जबाट जुम्लाका लागि उडेको नाइनएनएजेविको एअर काष्ठमण्डपको हवाईजहाज चिल्खाया गाविस–२ परगाउँमा दिउँसो दुर्घटना भएको स्थानीयवासी नन्दबहादुर कटुवालले जानकारी दिनुभएको छ ।


कटुवालकाअनुसार दुर्घटनामा नाम नखुलेको चालकसहित दुई जनाको मृत्युको मृत्यु भएको छ र अर्का एक जनाको अवस्था गम्भीर छ । यो दुर्घटनामा एक बालकसहित अन्य नौजना घाइते भएको बताइएको छ ।

यो समाचार तयार पार्दासम्म पाखा गाविसमा रहेको प्रहरी चौकी सेरावाडाबाट प्रहरीको टोली त्यसतर्फ जांदै गरेको बताइएको छ ।


घाइतेको स्वास्थ्य चौकी चिल्खायामा उपचार भइरहेको छ । हवाईजहाजको अगाडिको भाग क्षतविक्षत भएको बताइएको छ । 


उद्धारका लागि हेलिकप्टर र सुरक्षा टोली परिचालन

यसैबीच प्राप्त समाचार अनुसार कालीकोटमा दुर्घटनामा परेको एअर काष्ठमण्डपको विमानमा सवार घाइतेको उद्धारका लागि घटनास्थलतर्फ हेलिकप्टर र सुरक्षा निकायको टोली परिचालन गरिएको छ ।

नेपालगन्जबाट जुम्लाका लागि उडेको ९एन–एजेबी विमान जबर्जस्ती अवतरण गर्ने क्रममा कालीकोटको चिल्खाया–२ मा दुर्घटनामा परेको हो । उद्धारका लागि भैरहवा, पोखरा र मुगुको रारामा रहेका हेलिकोप्टर प्रयोग गर्न निर्देशन दिइएको संस्कृति, पर्यटन तथा नागरिक उड्डयन मन्त्रालयले जनाएको छ ।

विमानमा चालकसहित ११ जना सवार थिए । दुर्घटनामा चालकसहित दुईजनाको मृत्यु भएको र अरु नौ जना घाइते रहेको बताइएको छ ।

संस्कृति, पर्यटन तथा नागरिक उड्डयनमन्त्री आनन्द पोखरेलले उपप्रधानमन्त्री तथा रक्षामन्त्री भीम रावलसँग समन्वय गरी घटनास्थलतर्फ उद्धार टोली पठाइएको जानकारी दिनुभयो ।

त्रिभुवन अन्तर्राष्ट्रिय विमानस्थलका महाप्रबन्धक देवानन्द उपाध्यायले काठमाडौँबाट प्राविधिक टोली घटनास्थलतर्फ पठाउने तयारी भएको जानकारी दिनुभयो । यो समाचार तयार गर्दासम्म घटनास्थलमा प्रहरी टोली पुगिसकेको छैन । रासस 

थप समाचार
प्रतिकृया
नाम

ईमेल

ठेगना