दक्षिण एसियाको विपद् एउटै खालको ः विज्ञहरु

काठमाडौँ, फागुन ११ गते । दक्षिण एसियाको विपद् एकै खालको रहेको विज्ञहरुले बताएका छन् । प्रकोप पूर्वतयारी सञ्जाल नेपालले आज यहाँ आयोजना गरेको मानवीय सहयोगका लागि दक्षिण एसियाली साझेदारी कार्यशाला गोष्ठीमा गृह मन्त्रालयका सचिव नारायणगोपाल मलेगोले प्रत्येक वर्ष दक्षिण एसियामा तीन हजारभन्दा बढी मानिसको विपद्बाट मृत्यु हुनेगरेको बताउनुभयो ।

मलेगोले गत वैशाख १२ मा गएको भूकम्पबाट मात्र नेपालमा सात अर्बभन्दा बढी रकम बराबरको क्षति भएको उल्लेख गर्नुभयो । उहाँले भन्नुभयो, “सरकार अकस्मात् हुने विपद्लाई कसरी कम गर्न सकिन्छ भन्ने कुरामा लागेको छ ।”

स्पेर इन्डिया नामक संस्थाका कार्यकारी निर्देशक विकरान्त महाजनले बाढी, पहिरो, आगलागी, हिँउपहिरो, महामारीजस्ता विपद्ले थुप्रै जनधनको क्षति भएको भन्दै यसको न्यूनिकरणका लागि आपूmहरु लागिरहेको बताउनुभयो । उहाँले सार्क राष्ट्रको विपद् एकैखालको भएकाले यसको व्यवस्थापनका लागि सबै देश मिलेर अगाडि बढ्नुपर्नेमा जोड दिनुभयो ।

प्रकोप पूर्वतयारी सञ्जाल नेपालका अध्यक्ष रामचन्द्र न्यौपानेले सार्क राष्ट्रमा विपद्बाट भएको क्षतिलाई अध्ययन गरेर अब कसरी अगाडि बढ्न सकिन्छ भन्ने बारेमा कार्यशालामा छलफल हुने बताउनुभयो ।

उहाँले मानिसको बाँच्न पाउने अधिकारलाई प्रत्याभूत गर्न विपद् व्यवस्थापनका लागि सीमारहित हिसाबले अगाडि बढ्न लागेको स्पष्ट पार्नुभयो ।

सो गोष्ठीमा नेपाल, भारत, पाकिस्तान, बङ्गलादेश, माल्दिभ्स, अफगानिस्तान तथा श्रीलङ्काका विपद् व्यवस्थापनमा काम गर्ने राष्ट्रिय सञ्जालको उपस्थिती थियो । रासस

थप समाचार
प्रतिकृया
नाम

ईमेल

ठेगना