सामाजिक समितिको बैठकमा कोइरालाप्रति शोक प्रस्ताव

काठमाडौँ, फागुन ४ गते । व्यवस्थापिका–संसद्, सामाजिक न्याय तथा मानवअधिकार समितिले समितिका सदस्य एवम् नेपाली काँग्रेसका सभापति सुशील कोइरालाको निधनप्रति शोक प्रस्ताव पारित गरेको छ ।

सभापति सुशील श्रेष्ठको अध्यक्षतामा बसेको समितिको आजको बैठकले कोइरालाको असामयिक दुःखदमा निधन शोक प्रकट गर्दै उहाँको आत्माको चिरशान्तिको कामनाका साथ शोक सन्तप्त परिवारजनप्रति समवेदना प्रकट गरेको छ ।

विसं २०४८ र २०५६ मा काँग्रेसका तर्फबाट प्रतिनिधिसभा सदस्य, २०७० सालको संविधानसभा निर्वाचनमा बाँके क्षेत्र नं ३ र चितवन क्षेत्र नं ४ बाट निर्वाचित सदस्य र व्यवस्थापिका–संसद्मा प्रमुख प्रतिपक्ष दलका नेता कोइरालाको गत माघ २६ गते बिहान १२।५० निधन भएको थियो ।

नेपालको संविधान निर्माण गर्ने अभियानमा तत्कालीन प्रधानमन्त्रीको हैसियतले नेतृत्वदायी भूमिका निर्वाह गर्नुभएका कोइराला नेपाली राजनीतिमा सादा जीवन र स्वच्छ छवि कायम राख्ने नेताका रुपमा परिचित हुनुहुन्थ्यो । रासस

थप समाचार
प्रतिकृया
नाम

ईमेल

ठेगना