जरहीमा पुल नहुँदा मुक्तकमैयालाई समस्या

कञ्चनपुर, माघ २७ गते । कञ्चनपुरको कृष्णपुर नगरपालिका–८ दयाअमरपुरका मुक्तकमैया जरही खोलामा पुल नहँुदा समस्यामा परेका छन् । चारैतिरबाट खोलाले घेरिएको बस्तीमा पुल नहुँदा मुक्तकमैया परिवार समस्यामा परेका हुन् । खोलामा पुलको व्यवस्था नहँुदा गाउँमा उत्पादित तरकारी लगायतका वस्तु ढुवानी गर्न निकै कठिनाइको सामना गर्नु परेको स्थानीयवासी राधेश्याम रानाले बताउनुभयो ।

उहाँले खोलामा ढुवानीका सवारीसाधन सञ्चालन गर्न कठिनाइ हुने गरेकाले पिठ्यूँमा बोकेर तरकारी खोलापारि पु¥याउनु परेको छ भन्नुभयो । उहाँले आकस्मिक रुपमा बिरामी परेमा समेत खोलाकैकारण समस्या खेप्दै आएका छौँ भन्नुभयो । गाउँका एक दर्जनभन्दा बढी मुक्तकमैया परिवारले व्यावसायिक रुपमा तरकारी खेती गर्दै आएका छन् । खोला तर्नका लागि पुल नहँुदा गर्भवती महिलालाई स्वास्थ्य चौकी पु¥याउन निकै समस्या हुने भएकाले ज्यान नै जान सक्ने सम्भावना रहेको स्थानीयवासीको भनाइ छ ।

बर्षातका बेला पूर्वतर्फ रहेको मोहना नदी र पश्चिमतर्फ रहेको जरही खोलाको पानी बस्तीसम्म पुग्ने भएकाले सुरक्षित स्थानमा जानका लागि पुलको व्यवस्था नहुँदा जोखिम मोलेर बस्नु परेको मनोहर चौधरीले बताउनुभयो ।

बर्सातका बेला खोलामा पानी बढ्दा बालबालिका समेत विद्यालय जानबाट वञ्चित रहँदै आएका छन् । पुल निर्माणका लागि गाउँमा पुग्ने राजनीतिक दलका नेता, कार्यकर्ता, नगरपालिका र जिविस कार्यालयमा आग्रह गरेपनि बेवास्ता हँुदै आएको मुक्तकमैया अगुवाले बताउनुभयो । बस्तीमा तीन सयभन्दा बढी मुक्तकमैया परिवारको बसोबास रहेको छ । रासस

थप समाचार
प्रतिकृया
नाम

ईमेल

ठेगना