काँग्रेस नेता आचार्य अस्वस्थ

narahari acharyaकाठमाडौँ, माघ २६ गते । नेपाली काँग्रेसका केन्द्रीय सदस्य नरहरि आचार्यको स्वास्थ्य असहज भएपछि उहाँलाई उपचारार्थ बाँसबारीस्थित सहिद गङ्गालाल राष्ट्रिय हृदय केन्द्रमा भर्ना गरिएको छ । उहाँको अहिले आकस्मिक कक्षमा उपचार भइरहेको छ । नेता आचार्यको स्वास्थ्यस्थिति बुझ्न पार्टी उपसभापति रामचन्द्र पौडेललगायतका नेताहरु अस्पताल पुग्नुभएको छ ।

पार्टी सभापति कोइरालाको निधनपछि उहाँलाई श्रद्धाञ्जलि अर्पण गर्न कोइराला निवास महाराजगन्ज पुग्नुभएका आचार्यको एक्कासि स्वास्थ्यमा खराबी आएको थियो । यसअघि नेता आचार्यले सञ्चारकर्मीसँग कुरा गर्दै स्व सभापति कोइरालालाई संविधान निर्माणका रुपमा सम्झिने बताउनुभयो ।

उहाँले सात दशकदेखि संविधानसभाबाट संविधान बनाउने नेपाली जनताको चाहना पूरा गर्ने नेतृत्व गर्नुभएका कोइरालाको सादा र निष्ठावान व्यक्तित्व तथा प्रजातान्त्रिक मूल्यमान्यताप्रति कहिल्यै विचलित नहुने व्यक्तित्व भएको चर्चा गर्नुभयो ।

पछिल्लो संविधान निर्माणको कार्यमा झन्झट नमानी निरन्तर लागिपर्नुभएका स्व कोइरालाको योगदान सम्पूर्ण नेपालीका लागि महत्वपूर्ण रहेको बताउनुभयो । रासस

थप समाचार
प्रतिकृया
नाम

ईमेल

ठेगना