ट्रक दुर्घटनामा चालकको मृत्यु


सुन्दरदुलारी , माघ ११ गते। मोरङबाट पश्चिमतर्फ जाँदै गरेका दुईवटा ट्रक गएराति एकापसमा ठक्कर खाँदा एकजनाको मृत्यु भएको छ भने अर्का एकजना गम्भीर घाइते भएका छन् ।

मृत्यु हुनेमा ट्रक चालक सिन्धुली लगावी–३ का २६ वर्षीय हरि कार्की रहेका छन् ।

सुनसरीको इनरुवा सखुवागाछी–९ स्थित पूर्वपश्चिम राजमार्गमा गएराति ना ३ ख २५२७ नंको ट्रकलाई सोही दिशामा गइरहेको ना ५ ख ६१३८ नंको ट्रकले पछाडिबाट ठक्कर दिएको थियो ।

कार्कीको उपचारका क्रममा इनरुवा अस्पतालमा मृत्यु भएको हो । अर्का ट्रक चालक सिन्धुली ताप्लेखोलाका प्रवीण मगर गम्भीर घाइते भई उपचारका लागि बिपी कोइराला स्वास्थ्य विज्ञान प्रतिष्ठानमा उपचार भइरहेको पूर्व क्षेत्रीय ट्राफिक प्रहरी कार्यालय इटहरीले जनाएको छ ।

डोजरले थिचेर सहचालकको मृत्यु
यसैबीच तनहुँको सामुङ् भगवतीपुर वडा नं ९ स्थित कालीगण्डकीमा निर्माणाधीन पक्की पुलको काम गर्ने क्रममा आइतबार साँझ डोजरले थिच्दा डोजरका सहचालकको घटनास्थलमै मृत्यु भएको छ ।

यसरी मृत्यु हुनेमा नवलपरासी जिल्ला डेढगाउँ निवासी २१ वर्षीय साजन श्रेष्ठ रहेको जिल्ला प्रहरी कार्यालय, तनहुँले जनाएको छ ।

उक्त क्षेत्रमा काम गर्ने क्रममा अचानक डोजर पल्टिँदा उत्तानो परेको र खन्ने भागले श्रेष्ठलाई थिचिरहेकोले शव निकाल्न नसकिएकाले बुटवलबाट क्रेन मगाएर शव निकाल्ने प्रयास गरिएको जिप्रका, तनहुँका प्रहरी नायब उपरीक्षक राकेश सिंहले जानकारी दिनुभयो ।

घटनाको जानकारी पाएलगत्तै क्रेनका लागि प्रयास गरिएको बताउँदै डिएसपी सिंहले भन्नुभयो –“आज बिहान १० बजेसम्ममा घटनास्थलमा क्रेन पु¥याउने कसरत भइरहेको छ ।

उक्त घटनास्थल नवलपरासीको डेढगाउँ नजिक रहेकाले डेढगाउँको प्रहरी र तनहुँको बेलचौतरा र रिसिङको प्रहरी चौकीबाट प्रहरी खटाइएको उहाँले बताउनुभयो । रासस


 

थप समाचार
प्रतिकृया
नाम

ईमेल

ठेगना