जाडोले सुत्केरीलाई समस्या

बर्दिया, माघ ९ गते । अत्यधिक जाडोले बाढीपीडित सुत्केरी महिला समस्यामा परेका छन् ।

उचित गाँस र बासको अभावका कारण बालबालिकामा विभिन्न स्वास्थ्य समस्या देखा परेको छ । माघ महिना सुरु भएसँगै बढेको जाडोले बालबालिकामा निमोनियाको समस्या देखिएको छ ।

अत्यधिक जाडोमा पनि त्रिपालमुनि बस्नुपर्ने भएकाले बालबालिकामा निमोनियाको समस्या बढेको छ । गत साउन अन्तिम साता गएको बाढीले घरबारविहीन भएका रामपुरटप्परका ४२ घरपरिवार गुलरियाको खेल मैदानमा त्रिपाल हालेर बसिरहेका छन् । त्रिपालमुनिको बसाइँले गर्दा चिसोले बच्चामा निमोनिया सुरु भएको २६ वर्षीया सुत्केरी ईश्वरी रानाले बताउनुभयो ।

बयालीस घर परिवार रहेको शिविरमा छ महिनासम्मका छ जना सुत्केरी भएका छन् । लुगाकपडाको कमी र दिउँसो पनि घाम नलाग्ने भएकाले समस्या भोग्नु परेको सुत्केरी रानाको भनाइ छ । रासस 

थप समाचार
प्रतिकृया
नाम

ईमेल

ठेगना