ताप्लेजुङमा दुई घरमा आगलागी– लाखौँको क्षति

ताप्लेजुङ, पुस ४ गते । ताप्लेजुङको निघुरादिनस्थित दुई घरमा आगलागी हुँदा लाखौँ मूल्य बराबरको क्षति भएको छ । निघुरादिन–५ निवासी भक्तबहादुर गुरुङको दुईवटा घरमा शुक्रबार साँझ आगलागी भएको हो । आगलागीबाट दुईवटा घर पूर्णरुपमा जल्दा घरभित्र रहेको अन्नपात, लत्ताकपडा, नगद, सुनलगायतका सामान जल्दा करिब रु १० लाखको क्षति भएको प्रारम्भिक अनुमान गरिएको प्रहरीले जनाएको छ ।

यस्तै आगलागीका क्रममा घरभित्र रहेकी ५० वर्षकी राममाया गुरुङ घर बाहिर निस्कने क्रममा सामान्य घाइते भएकी छन् ।

आगलागीको कारण खुल्न सकेको छैन । स्थानीयले आगो समयमा नै नियन्त्रणमा लिने प्रयास गरे पनि पानीको अभावलगायतका कारण असफल भएको बताइएको छ । आगलागी पीडित परिवार अहिले छिमेकीकामा शरण लिएर बसेका छन् । रासस

थप समाचार
प्रतिकृया
नाम

ईमेल

ठेगना