अनौपचारिक क्षेत्रमा कार्यरत महिलाका कथा चित्र र श्रव्यमा

काठमाडौँ, मङ्सिर २३ गते । भारतका विभिन्न स्थानमा अनौपचारिक क्षेत्रमा कार्यरत नेपाली महिलाका कथा चित्र र श्रव्य प्रदर्शनी मङ्गलबारदेखि सुरु भएको छ । बबरमहलस्थित नेपाल कला परिषद्मा सुरु भएको सो प्रदर्शनीमा उनीहरुको कथालाई आइप्याडमार्फत सुन्नसमेत सकिनेछ । मङ्सिर २४ गतेसम्म चल्ने सो प्रदर्शनीमा ३० नेपाली महिलाका कथा समेटिएका छन् ।

उनीहरुको तस्बिर र कथालाई पढ्नसमेत सकिनेछ । उनीहरुका कथाले कसरी प्रवासीका दैनिक जीवन, परिवार, समुदाय र संस्कृतिमा असर परिरहेको छ भन्ने देखाएको महिला पुनः स्थापना केन्द्र ९ओरेक०का अध्यक्ष डा रेणु राजभण्डारीले बताउनुभयो ।

इन्स्टिच्युट फर साउथ एसियन रिसर्च एन्ड एक्सचेञ्जले ओरेक, पौरखी र मदन पुरस्कार पुस्तकालयको सहयोगमा उक्त कथा तयार पारेको थियो । उक्त परियोजनामा ड्यानचर्चएड र स्टिख्टिङ रोटरड्यामबाट आर्थिक सहयोग गरिएको थियो ।

भारतीय अनुसन्धानकर्ताद्वय सरिता रामामूर्ति र लक्ष्मी मूर्तिले नेपाली महिलाको अन्तर्वार्ता र तस्बिर लिनुभएको थियो । यसलाई नेपालीमा अनुवाद निविदा लामिछानेले गर्नुभएको हो । रासस

थप समाचार
प्रतिकृया
नाम

ईमेल

ठेगना