नाकाबन्दी हुँदाहुँदै पनि डडेल्धुरा महोत्सवमा रौनकता

डडेल्धुरा, मङ्सिर १४ गते । डडेल्धुरामा सुरु भएको सुदूरपश्चिमाञ्चल महोत्सवमा नाकाबन्दी हुँदाहुँदै पनि रौनकता घटेको छैन । सुदूरपश्चिम निर्माणको प्रमुख आधार, कृषि पर्यटन जडीबुटी तथा जलविद्युत्को विकास र विस्तार भन्ने मूल उद्देश्यका साथ आयोजना गरिएको सुदूरपश्चिम महोत्सवमा भारतद्वारा गरिएको नाकाबन्दीका कारणले पेट्रोलियम पदार्थको अभावमा पनि खास असर परेको छैन ।

उद्योग वाणिज्य सङ्घ डडेल्धुराले सदरमुकामको टुँडिखेलमा आयोजना गरेको दोस्रो महोत्सवमा विभिन्न कक्ष राखिएको भए पनि इन्धनको अभावमा कक्ष राख्ने विभिन्न व्यापारिक तथा उत्पादनसम्बन्धी प्रदर्शनीको सहभागिता न्यून रहेको भए तापनि दर्शकहरुको उपस्थितिमा आफूहरु सन्तुष्ट रहेको आयोजक पक्षले बताएका छन् ।

महोत्सवमा बालउद्यान, घुम्ने चर्खा, मौतका कुवा, जादुगर, सांस्कृतिक कार्यक्रमलगायत विभिन्न मनोरञ्जनात्मक प्रस्तुतिहरु महोत्सवका प्रमुख आकर्षण रहेका छन् भने पाल्पाबाट नेपाली ढाका बिक्री तथा प्रचारका लागि आएका व्यवसायीले खासै उत्साहित नभएको अनुभव सुनाउनुभयो ।

विसं २०६५ पछि आयोजना हुन लागेको दोस्रो महोत्सवमा लघुउद्यम विकास, पर्यटन व्यापार र पश्चिम सेती जलविद्युत् परियोजनाको प्रचारप्रसार आदिका लागि आयोजना गरिएको प्रवद्र्धनात्मक कार्यक्रमले सुदूरपश्चिमको आर्थिक विकासमा टेवा पु¥याउने विश्वास लिइएको उद्योग वाणिज्य सङ्घका सचिव द्धिजराज भट्टले बताउनुभयो ।

महोत्सव आयोजकले राष्ट्रिय कलाकारहरुलाई ल्याएर महोत्सवमा राम्रो जनसहभागिता भएको र महोत्सवमा रौनकता थपिएको अवलोकनकर्ता देवराज भण्डारीले सुनाउनुभयो ।

मङ्सिर ८ देखि सुरु भएको महोत्सव मङ्सिर १७ सम्म सञ्चालन हुने छ ।

छैटौँ दिनको महोत्सवसम्म आउँदा कलाकर्मीहरु मिलन थापा, कोमल ओली, उमादेवी खनालजस्ता राष्ट्रिय तथा स्थानीयवासी कलाकारले भरपुर मनोरञ्जन दिएका छन् । रासस

थप समाचार
प्रतिकृया
नाम

ईमेल

ठेगना