संसदीय समितिद्वारा सुझाव सङ्कलन

धुन्चे (रसुवा), मङ्सिर ८ गते । नेपालको उत्तरी नाका रसुवागढी–गल्छीसम्मको सडक स्तरोन्नति र दीर्घकालीन रुपको बनाउन व्यवस्थाका लागि संसदीय टोलीले आज धुन्चेमा सुझाव सङ्कलन गरेको छ ।
व्यवस्थापिका संसद अन्तर्गतको विकास समितिका सभापति रवीन्द्र अधिकारीको नेतृत्वमा आएको संसदीय टोलीले यहाँको राजनीतिक दल, उद्योगी, कर्मचारी, स्थानीय प्रशासनसँग सो विषयमा सुझाव सङकलन गरेको थियो ।
सो छलफलमा सहभागीले चीनसँगको कारोबार गर्ने एकमात्र सडक स्तरोन्नति र दीर्घकालीन रुपको स्वाफ्रोवेसी–वेत्रावती सडक निर्माण गर्न माग राखेका थिए ।

कार्यक्रममा रसुवा उद्योग वाणिज्य सङ्का अध्यक्ष कैसाङ नोर्पु तामाङले रसुवागढीको पहिरो पन्छाउन, सडक फराकिलो पारी व्यापार व्यवसाय अगाडि बढाउन, सडकको मापदण्ड पुनरावलोकन गर्दै सडक आसपासका जग्गा खरिद बिक्री र धितो बन्धक राख्ने नीति लागु गर्नुपर्ने सुझाव राख्नुभएको थियो ।

नेपाली काँग्रेसका जिल्ला सभापति लामाकार्पु तामाङ, नेकपा (एमाले)का भरत विक, एकीकृत नेकपा (माओवादी)का माधव लामिछाने, नागरिक समाजका अध्यक्ष बाबुलाल तामाङले रसुवागढी–गल्छीसम्मको सडक सञ्चालनमा जोड दिएका थिए ।
टोलीमा जनार्दन ढकाल, रामचन्द्र पोखरेल कर्णबहादुर विक , रामकुमार भट्टराइर्, अनिता देवकोटा, सिता गिरी ओली १० जना सांसद सहभागी हुनुहुन्थ्यो । रासस

थप समाचार
प्रतिकृया
नाम

ईमेल

ठेगना