सामाजिक सद्भाव र राष्ट्रिय एकतामा खलल हुन दिन्न – प्रधानमन्त्री ओली

काठमाडौँ, मङ्सिर ५ गते । प्रधानमन्त्री केपी शर्मा ओलीले सामाजिक सद्भाव र राष्ट्रिय एकतामा खलल पर्न नदिनेतर्फ आफू सचेत रहेको बताउनुभएको छ ।

प्रधानमन्त्री निवास बालुवाटारमा आज राष्ट्रिय जागरण परिषद् नेपालका प्रतिनिधि र विभिन्न क्षेत्रका जानकारहरुसँगको भेटमा उहाँले हाल मुलुकमा देखापरेका तमाम् समस्याहरुको संयम् र दृढतापूर्वक समाधान गर्न सरकार प्रतिबद्ध छ भन्नुभयो ।

मुलुकलाई परेको समस्या समाधान गर्न सरकार प्रयत्नशील रहेको चर्चा गर्दै प्रधानमन्त्री ओलीले भन्नुभयो “सरकार वार्ता र संवादको माध्यमबाट अगाडि बढ्न प्रयत्नशील रहेको र त्यसका लागि सबैको साथ र सहयोग आवश्यक छ ।”

सो अवसरमा परिषद् नेपाल, नेपाल टेलिकम कर्मचारी सङ्गठन, वस्तु तथा सेवा उपभोक्ता संरक्षण महासङ्घलगायतका सङघ संस्थाहरु र वरिष्ठ कलाकारहरुले प्रधानमन्त्री ओलीलाई आ– आफ्ना क्षेत्रका समस्या र देशले बेहोरिरहेको समस्याका बारेमा ध्यानाकर्षण गराएका थिए ।

परिषद्का संयोजक साध्यबहादुर भण्डारीको नेतृत्वमा परराष्ट्रविद् हिरण्यलाल श्रेष्ठ, पूर्व सचिव द्वारिकानाथ ढङु्गेल र भरतबहादुर बस्नेतसहितको प्रतिनिधिमण्डलले मधेसकेन्द्रित दलहरुले सीमा नाकामा पु¥याइरहेको अवरोध, तराई मधेसको आन्दोलन र नाकाबन्दीलगायतका विषयमा सरकारको ध्यानाकर्षण गराउँदै आन्दोलन र नाकाबन्दीका कारण मुलुकमा उत्पन्न मानवीय सङ्कटको अन्तर्राष्ट्रियकरण गर्न माग गर्नुभयो ।

उहाँहरुले इन्धन आपूर्तिलगायतका विषयमा चीनसँग भएको सम्झौताको स्वागत गर्दै अत्यावश्यक सामग्रीको आपूर्तिका लागि तात्कालिक, मध्यकालिक र दीर्घकालिक योजनाहरु बनाई अघि बढ्न सरकारलाई सुझाव पनि दिनुभएको प्रधानमन्त्रीको प्रेस सल्लाहकार प्रमोद दाहालले जानकारी दिनुभयो । रासस

थप समाचार
प्रतिकृया
नाम

ईमेल

ठेगना