घाइते पुनःस्थापना एकाइ स्थापित

 

चौतारा, मङ्सिर ३  गते । गत वैशाख १२ गतेको भूकम्पबाट गम्भीर घाइते भएकाहरुका लागि स्थानीय गैरीगाउँमा पुनःस्थापना एकाइ स्थापना गरिएको छ । जिल्ला अस्पतालको सहकार्यमा अन्तर्राष्ट्रिय आप्रवासी सङ्गठन (आइओएम) नेपालद्वारा खोलिएको एकाइको बुधबार चौतारा अस्पताल प्रमुख डा सागर राजभण्डारीले उद्घाटन गरी सेवा सञ्चालन गरिएको हो । 

भूकम्पबाट जिल्लामा दुई हजार एक सय जना घाइते भएकामा जिल्लाका विभिन्न स्वास्थ्य चौकीमार्फत उपचार भइरहेको थियो । भूकम्पका कारणले गम्भीर चोटपटक लागेका घाइतेलाई शल्यक्रिया तथा औषधोपचारपछि पुनःस्थापना अत्यावश्यक भएकाले एकाइ सञ्चालन गरिएको आइओएमका जिल्ला संयोजक डबलकाजी रोक्काले जानकारी दिनुभयो ।

बीस बिरामी र उनीहरुका एक एक कुरुवा राख्ने व्यवस्था रहेको सो एकाइमा निगरानी सेवा, भौतिक चिकित्सा, स्वास्थ्य शिक्षाका साथै मनोसामाजिक मनोविमर्श सेवा प्रदान गरिने छ । एकाइमा आउने पाँचदेखि ७० वर्ष उमेरका घाइतेलाई निःशुल्क उपचारका साथै बसोबास र यातायातको समेत व्यवस्था गरिने बताइएको छ ।

कार्यक्रममा आइओएमका चिफ अम मिसन माउरीजिओ, स्थानीय विकास अधिकारी कृष्णबहादुर शाही ठकुरी, चौतारा नगरपालिकाका कार्यकारी अधिकृत भुवनेश्वर लामिछानेलगायतले आइओएम र स्थानीय निकायहरुले सहकार्य गर्ने बताउनुभयो । रासस

थप समाचार
प्रतिकृया
नाम

ईमेल

ठेगना