भारतको नाकाबन्दीका कारण संरक्षित रुख काटिँदै

 

 

बर्दिवास, मङ्सिर १ गते । इन्धन र ग्यासको हाहाकारसँगै महोत्तरी जिल्लाको वन क्षेत्रमा साँखुलगायत संरक्षित रुख काट्ने क्रम बढेको छ ।

जिल्लाको बर्दिवास र गौशाला नगरपालिका एवम् खयरमारा, बेलगाछी र लक्ष्मीनियाँसहितका गाविसमा पर्ने राष्ट्रिय वन, साझेदारी वन, धार्मिक वन र सागरनाथ वन विकास परियोजनाका प्लटमा साँखु र अन्य संरक्षित जातका रुखका काँचा लाथ्रा काट्ने क्रम ह्वात्तै बढेको हो ।

साउन मसान्तसँगै सुरु भएको मधेसवादी दलको आन्दोलनयता वन क्षेत्रमा सुरक्षा गस्ती हिँड्न छाडेपछि तस्करले रुख काट्दै आएका थिए । पछिल्लो समयमा इन्धन र ग्यास पाउन छाडिएपछि जिल्लाको उत्तरवर्ती क्षेत्रका सर्वसाधारण दाउरा लिन वन क्षेत्र पस्न थालेपछि काँचा लाथ्रा काट्ने क्रम बढेको वन क्षेत्र नजिकका बासिन्दा बताउँछन् । विकल्प रित्तिएपछि लाथ्रा काट्न जङ्गल पस्नु परेको सर्वसाधारणको भनाइ छ ।

log“बिजुली आउने जाने ठेगान हुँदैन, इन्धन र ग्यास पनि पाइँदैन,” सागरनाथ वन विकास परियोजनाको प्लटमा स–साना बुट्यान काट्दै गरेकी बेलगाछी ढल्केवरकी एक गृहिणीले भन्नुभयो– “लाथ्रा नकाटेर के गर्नु त रु” ठूला रुख तस्करकोे र स–साना बुट्यान वन क्षेत्र वरिपरिका बासिन्दाको चपेटामा परेपछि अब जिल्लाको वन क्षेत्र चाँडै मासिने खतरा बढेको छ ।

जिल्लामा सामुदायिक, साझेदारी, धार्मिक र सागरनाथ वन विकास परियोजनाको समेत गरी २४ हजार ४६५ हेक्टर वन क्षेत्र रहेको छ । पछिल्लो समय मधेसवादी दलको आन्दोलनसँगैको सुरक्षा तरलताले वन क्षेत्र मासिदै वातावरण क्षेत्रमा कार्यरत सामाजिक संस्था सामुदायिक विकास तथा पैरवी मञ्च नेपाल, बर्दिवासका अध्यक्ष नागदेव यादवले बताउनुभयो ।

जिल्ला वन कार्यालय र सागरनाथ वन विकास परियोजनाका अधिकारीले सुरक्षा खतराकै कारण गस्ती हुन नसकेको र कारबाही गर्न सकिने अवस्था नरहेको बताउँदै आएका छन् ।

यसैबीच प्रमुख जिल्ला अधिकारी वीरेन्द्रकुमार यादवले वन क्षेत्रको नियमित गस्ती र कारबाही प्रक्रिया दुरुस्त गर्न वन सुरक्षा र जिल्लास्थित अन्य सुरक्षा निकायको समन्वयमा संयुक्त टोली बनाइएको जानकारी दिनुभयो । रासस
––––

थप समाचार
प्रतिकृया
नाम

ईमेल

ठेगना