एन्फा अध्यक्ष थापामाथि फिफाद्वारा १० वर्षे कारबाही

 

 

thapaकाठमाडौँ, कात्तिक ३० गते। अखिल नेपाल फुटबल सङ्घ ९एन्फा०का अध्यक्ष गणेश थापाले १० वर्षसम्म कुनै फुटबल गतिविधि गर्न नपाउने हुनुभएको छ ।

विश्व फुटबल महासङ्घ ९फिफा०ले थापालाई घुस लिएको आरोपमा १० वर्षे प्रतिबन्धसँगै २० हजार स्विस फ्राङ्क जरिवाना पनि गरेको छ ।

एसियाली फुटबल महासङ्घका उपाध्यक्षको कार्यभार सम्हालेका थापाविरुद्ध फिफाको आचार समितिले यस्तो कदम चालेको हो । “फिफाको यही कात्तिक २३ गते बसेको बैठकले यस्तो निर्णय गरेको हो,” फिफालाई उद्धृत गर्दै एन्फाका प्रमुख कार्यकारी अधिकृत ९सिइओ० इन्द्रमान तुलाधरले बताउनुभयो ।

उहाँले अध्यक्ष थापामाथि कारबाहीबारे एन्फा कार्यसमितिको विधानअनुसार केही दिनभित्रै बैठक बसेर निर्णय लिइने बताउँदै भन्नुभयो – “फिफाको निर्णय हामी मान्नेछौँ ।”

फिफाको विधानअनुसार अध्यक्ष थापाले कारबाहीविरुद्ध अपील भने गर्न पाउनुहुनेछ । थापा राष्ट्रिय प्रजातन्त्र पार्टी ९नेपाल०का मनोनीत सांसदसमेत हुनुहुन्छ । रासस

थप समाचार
प्रतिकृया
नाम

ईमेल

ठेगना