दक्षिण एसियामा अधिकार सम्पन्न मानवअधिकार संयन्त्र आवश्यक

काठमाडौँ,  कात्तिक १८ गते । दक्षिण एसियामा मानवअधिकार संरक्षण, र प्रवद्र्धनका लागि अधिकार सम्पन्न मानवअधिकार संयन्त्र आवश्यक रहेको यस क्षेत्रसँग सम्बद्ध विज्ञहरुले बताएका छन् ।

आज यहाँ अनौपचारिक क्षेत्र सेवा केन्द्र (इन्सेक), एसियन फोरम फर ह्युमनराइट्स एन्ड डेभलमेन्ट र दक्षिण एसिया मानवअधिकार संयन्त्रका लागि क्षेत्रीय अभियानले संयुक्तरुपमा आयोजना गरेको दक्षिण एसिया मानवअधिकार निर्माणसम्बन्धी कार्यशाला गोष्ठीमा मानवअधिकारकर्मीले क्षेत्रीयस्तरका समस्याको उचित सम्बोधन गर्न क्षेत्रीयस्तरको मानवअधिकार संयन्त्र आवश्यक रहेको बताएका हुन् ।

कार्यक्रममा राष्ट्रिय मानवअधिकार आयोगका अध्यक्ष अनुपराज शर्माले सार्क राष्ट्रका साझा समस्या समाधान गर्न यस्तो संयन्त्रको आवश्यकता बढेर गएको बताउनुभयो ।
फोरम एसियाका अध्यक्ष हेनरी तिफाङ्गेले भारतीय नाकाबन्दीका कारण पछिल्लो समय नेपालले भोगिरहेको समस्याप्रति दुःख व्यक्त गर्दै यस्ता समस्या सम्बोधनमा दबाब दिन पनि क्षेत्रीय संयन्त्र आवश्यक छ भन्नुभयो ।


इन्सेकका अध्यक्ष सुबोधराज प्याकुरेलले क्षेत्रीय संयन्त्र बनाउँदा नेपालले अहिले भोगिरहेको समस्या जो कोहीलाई पर्दा पनि समाधान खोज्न सहज हुने बताउनुभयो ।

कार्यक्रममा प्राडा युवराज सङ्ग्रौलाले क्षेत्रीय संयन्त्रको निर्माणले दक्षिण एसियाली नागरिकलाई एकताबद्ध बनाउन सहयोग पुग्ने धारणा प्रकट गर्नुभयो । रासस

थप समाचार
प्रतिकृया
नाम

ईमेल

ठेगना