घुँडाको उपचार शिविर

विराटनगर, कात्तिक १५ गते । जैन धर्मावलम्बीको विराटनगरमा जारी चार्तुमासको अवसरमा शनिबार घुँडा शिविरको आयोजना गरियो । जैन धर्मावलम्बीको संस्था तेरापन्थ महिला मण्डल र तेरापन्थ प्रोफेसनल फोरमको आयोजनामा भएको उक्त शिविरमा भारतीय चिकित्सकहरुले ७५ जनाको घुँडाको उपचार गरेका थिए ।

उपचारमा संलग्न डा धीरज मराठीले अधिकांश बिरामीका घुँडामा अर्थराइटिसको लक्षण देखिएको बताउनुभयो ।

तेरापन्थ महिला मण्डलकी अध्यक्ष सुशीला गोल्छाले चातुर्मासको सन्दर्भ पारेर भारतका चर्चित र अन्तर्राष्ट्रिय रुपमा ख्याति कमाएका चिकित्सकलाई नेपाल बोलाइएको बताउनुभयो ।

तेरापन्थ प्रोफेसनल फोरम विराटनगरका अध्यक्ष सन्तोष जैनले बिरामीहरु धेरै टाढासम्म गएर उपचार गर्न बाध्य भएकामा यही स्वदेशमै चातुर्मासको अवसरमा उपचारको व्यवस्था मिलाउँदा उनीहरु खुशी भएका छन् भन्नु भयो । रासस

थप समाचार
प्रतिकृया
नाम

ईमेल

ठेगना