जलेश्वरमा पहाडिया समाजद्वारा ऐक्यबद्धता ¥याली

गौशाला, असोज २५ गते । महोत्तरी जिल्लाको सदरमुकाम जलेश्वरमा आइतबार साँझ पहाडिया समाज जलेश्वरले ऐक्यबद्धता ¥याली निकालेको छ । समाजले तराई मधेसको जायज माग पूरा गर लेखिएको ब्यानरसहित जलेश्वरमा ऐक्यबद्धता ¥याली निकालेको हो ।

करिब २०० स्थानीय पहाडे समुदायका महिला, पुरुष र युवायुवती सहभागी भइ मधेसी पहाडी भाइ भाइ, हाम्रो एकता टुट्दैन, मधेसी एकता जिन्दावाद, मधेसको माग पूरा गरलगायतका नाराका साथ जलेश्वरको राजदेवी मन्दिर अगाडिबाट निकालेको ऐक्यबद्धता ¥यालीले दुर्गाचोक, शङ्करचोक हुँदै नगरको विभिन्न भागको परिक्रमा गरेको थियो भने पुनः दुर्गाचोकमा आएर कोणसभामा परिणत भएको थियो ।

कोणसभामा स्थानीयवासी दिलबहादुर श्रेष्ठ, अर्जुन शर्मा, तौलेश्वर श्रेष्ठलगायतका वक्ताले सरकारले मधेस र पहाडीको सधैँभरिको सद्भाव र सम्बन्ध बचाइराख्न तराई मधेसका जायज माग पूरा गर्नुपर्नेमा जोड दिनुभएको थियो ।

विगत ५९ दिनदेखि रहेको मधेस बन्दप्रति सरकार उदासीन भएको आरोप लगाउँदै वक्ताहरुले सरकारले अविलम्ब तराई मधेसका जायज माग पूरा गरेर देशलाई सङ्कटबाट निकास दिनुपर्ने माग गरेका थिए ।

एकदिनअघि तराईको वीरगन्जमा पहाडे समुदायले मधेसको समर्थनमा ऐक्यबद्धता ¥याली निकालेको देखेर जलेश्वरवासी पहाडे समुदायले पनि ऐक्यबद्धता ¥याली निकालेका हुन् । रासस

थप समाचार
प्रतिकृया
नाम

ईमेल

ठेगना