आपूर्ति समस्याप्रति कूटनैतिक निकायहरूद्वारा चिन्ता व्यक्त

काठमाडौँ, असोज १९ गते । अत्यावश्यक सामग्री आपूर्तिमा देखिएको समस्याप्रति चिन्ता व्यक्त गर्दै नेपालस्थित विभिन्न कूटनैतिक निकायले यसको समाधानका लागि सहयोग गर्न तयार रहेको बताएका छन् ।

युरोपेली युनियन, डेनमार्क, फिनल्याण्ड, फ्रान्स, जर्मनी, बेलायत, नर्वे र स्विट्जरल्याण्डका नेपालस्थित प्रतिनिधिमण्डलका प्रमुखले संयुक्त विज्ञप्ति जारी गर्दै आपूर्तिमा भएको समस्याले विशेषगरी तराईसहित देशभरका गरिब जनतालाई समस्या परेको भन्दै यसको उपयुक्त समाधान हुनुपर्ने उल्लेख गरिएको छ ।

विज्ञप्तिमा भूकम्पपछि अस्थायी रूपमा बसोबास गर्दै गएका परिवार आपूर्ति समस्याबाट प्रभावित बनेको बताइएको छ ।

दैनिक आवश्यकताका वस्तुको समेत आपूर्ति हुन नसक्दा यसले नेपालको अर्थतन्त्रमा समेत असर पु¥याएको विज्ञप्तिमा उल्लेख छ ।

वार्ताबाटै समस्या समाधानको निष्कर्षमा पुग्नुपर्ने प्रतिनिधिमण्डलको सुझाव छ ।

थप समाचार
प्रतिकृया
नाम

ईमेल

ठेगना