भारतीय नाकाबन्दीले होटेलको परिभाषा नै बदलियो

 


काठमाडौँ, असोज १६ गते । बजारमा खाना पकाउने ग्यास सहज रुपमा उपलब्ध नहुँदा होटेल व्यवसायी मारमा परेका छन् ।

एक महिना यता खाना पकाउने ग्यासको अभाव झेल्दै आएका व्यवसायी अब भने सेवाग्राहीलाई खानासमेत खुवाउन नसक्ने अवस्थामा पुगेका छन् ।

ग्यासको अभावले राजधानीभित्रका लगभग ४० प्रतिशतभन्दा बढी होटल तथा रेष्टुराँ बन्द भइसकेको व्यवसायी बताउँछन् ।

कलंकी होटेल एण्ड गेष्ट हाउस एसोसिएसनमा आवद्ध ७४ होटेलमध्ये लगभग ४० वटा होटेल ग्यासकै अभावमा लगभग बन्दको अवस्थामा पुगेको एसोसिएसनका सचिव तुल्सीराम भण्डारी९कमल०ले बताउनुभयो ।

“केही होटल बन्द भै सकेका छन् भने धेरै बन्द हुने अवस्थामा पुगेका छन्,” उहाँले भन्नुभयो – “होटलमा आउने सेवाग्राहीलाई बस्ने सुविधा पाइन्छ, खानलाई होइन भन्नु यतिखेर धेरै व्यवसायीको बाध्यता बनेको छ ।”

होटेलमा खान नपाएका सर्वसाधारणबाट नेपालले आत्मसम्मानका साथ विद्यमान समस्याको दीर्घकालीन समाधान खोज्नुपर्ने भावना व्यक्त हुने गरेको भण्डारीले भन्नुभयो ।

एक महिना यता होटेलमा बस्न आउने ग्राहकको सङ्ख्या पनि अत्यन्त न्यून रहेको बताउने होटल एसियन सुन्धाराका मालिक विष्णुप्रसाद पौडेलले ग्यासको चरम अभावले सेवाग्राहीलाई अपेक्षित सेवा प्रदान गर्न नसकेको गुनासो गर्नुभयो ।

“तराई आन्दोलन र अघोषित नाकाबन्दीले होटल व्यवसाय निकै सङ्कटमा परेको छ,” उहाँले भन्नुभयो, “धेरै व्यवसायीले चाहेर पनि सेवाग्राहीलाई यथोचित सेवा प्रदान गर्न सकेका छैनन्, देशमा जारी यो समस्या सरकारले दृढताका साथ चाँडै समाधान गर्नुपर्छ ।”

खाना पकाउने ग्यासको अभावका साथै पानी बोक्ने ट्याङ्कर तेल नपाएका कारण चल्न नसक्नुले पनि समस्या बल्झाएको उहाँ बताउनुहुन्छ ।

पौडेल जस्तै ललितपुरको पुलचोकमा नमस्ते लुम्बिनी तन्दुरी रेष्टुराँ सञ्चालन गर्दै आएका रामकिशोर पन्त पेट्रोलियम पदार्थको अभावले आपूmजस्ता धेरै व्यवसायी समस्यामा परेको बताउनुहुन्छ ।

उहाँका अनुसार काठमाडौँ, ललितपुर र भक्तपुरमा रहेका धेरै तन्दुरी रेष्टुराँ ठूलो सङ्कटमा छन् ।


न्यू लुम्बिनी तन्दुरी भोजनालय, बागबजारका सञ्चालक सुन्दर चापागार्इँ पनि ग्यास नपाउँदा व्यवसाय नै बन्द गर्ने अवस्थामा पुगेको दुखेसो गर्नुहुन्छ ।

सिन्धुलीलगायतका ठाउँका पुगेर आजसम्म बल्लबल्ल भोजनालय सञ्चालन गर्दै आइपनि भोलिदेखि पूर्णरुपमै बन्द गर्नुपर्ने अवस्थामा आपूm पुगेको उहाँले बताउनुभयो ।

उपत्यकामा लगभग २२० सङ्ख्यामा तन्दुरी भोजनालय सञ्चालनमा रहेका छन् । उहाँका अनुसार धेरै व्यवसायीले चितवन, बुटवललगायतका स्थानबाट ग्यास ल्याएर अहिलेसम्म जेनतेन चलाई आए पनि अब त्यो पनि सम्भव छैन ।

सामान्य तन्दुरी भोजनालयमा दुईवटा सिलिन्डरले तीन दिन धान्ने गरेको छ । रासस


 

थप समाचार
प्रतिकृया
नाम

ईमेल

ठेगना