भूकम्पपीडित वृद्धवृद्धालाई नगद सहयोग

 

 

गोरखाबजार, असोज १४ गते। भूकम्पपीडितलाई सहयोग गर्न जिल्ला भित्रिएको कम्युनिटी सपोर्ट गु्रपले गोरखाको मान्वु, आरुआर्वाङ्ग र थुमी गाविसका वृद्धवृद्धालाई नगद सहयोग गरेको छ ।

भूकम्पपीडित ज्येष्ठ नागरिक वृद्धवृद्धालाई प्रतिव्यक्ति सात हजार पाँच सय रुपैयाँका दरले आर्थिक सहयोग गरिएको हो । गाविससचिवसँग समन्वय गरेर आज समावेशी तथा संरक्षण कार्यक्रमअन्तर्गत ग्रुपले आर्थिक सहयोग गरेको ग्रुपका जिल्ला संयोजक दीपक गुरुङले जानकारी दिनुभयो । “एउटै घरमा दुईजना ज्येष्ठ नागरिक हुनुहुन्छ भने हामीले एकजनालाई मात्रै सहयोग ग¥यौँ”– गुरुङले भन्नुभयो । विपद्का बेला वृद्धवृद्धालाई सहयोग गरेको उहाँको भनाइ छ ।

सो कार्यक्रमका लागि गु्रपलाई हेल्प एज इन्टरनेसनल नामक संस्थाले सहयोग गरेको छ । मान्वुका ५३०, आरुआर्वाङ्ग ५८४ र थुमीका ४४२ जना वृद्धवृद्धालाई रकम सहयोग गरिएको जानकारी दिँदै संयोजक गुरुङले रु एक करोड ६७ लाखभन्दा बढी रकम वितरण गरेको बताउनुभयो । भूकम्पअघि गु्रपले तनहुँ, कास्की, स्याङ्जा, पर्वतलगायत जिल्लामा एचआइभी एड्स रोगबाट पीडितलाई औषधि वितरण तथा बालबालिकाको हेरचाहमा सहयोग गर्दै आएको थियो । एचआइभी एड्सबाट पीडित बालबालिकालाई मासिक रु एक हजार सहयोग गर्दै आएको गु्रपले जनाएको छ । रासस

थप समाचार
प्रतिकृया
नाम

ईमेल

ठेगना