स्वास्थ्य चौकी र निजी क्लिनिकमा समेत औषधिको अभाव

medicineडोल्पा (त्रिपुराकोट), असोज ११ गते । डोल्पाको त्रिपुराकोट गाविसस्थित त्रिपुराकोट स्वास्थ्य चौकीमा लुतो सङ्क्रमणका बिरामीको चाप बढेको छ । असोज महिनाको सुरु भएलगत्तै अस्पतालमा उपचारका लागि आउने बिरामीमध्ये अधिकांश लुतो सङ्क्रमणका बिरामी आउने गरेको स्वास्थ्य चौकी त्रिपुराकोटले जानकारी दिएको छ ।

एक हप्तायता दैनिक १० देखि १५ जनाका दरले बिरामी आउने गरेकोे स्वास्थ्य चौकीले जनाएको छ । स्वास्थ्य चौकीमा लुतो सङ्क्रमणका बिरामीको चाप बढेपछि स्वास्थ्य चौकी र निजी क्लिनिकमा पनि औषधिको अभाव भएको स्वास्थ्य चौकीका अहेब कविप्रसाद उपाध्यायले जानकारी दिनुभयो ।

दिनहँु बिरामी बढेपछि स्वास्थ्य चौकीमा र निजी मेडिकलमा पनि लुतोको औषधि सकिएपछि जिल्ला अस्पतालमा औषधिको माग गरिएको उहाँले बताउनुभयो ।

डोल्पाका अधिकांश बस्तीमा सुरक्षित पानीको अभावमा खोलाको पानी सिधै प्रयोग गर्ने गरिएको र असोज महिनाको समयमा सर्वसाधारण काममा व्यस्त भई सरसफाइमा ध्यान नदिँदा पनि यो समयमा लुतोका बिरामीको चाप बढेको उहाँले बताउनुभयो । रासस

थप समाचार
प्रतिकृया
नाम

ईमेल

ठेगना