‘यसम्यान’ हुन चाहदैनाँै, जे भन्यो त्यही मान्दैनौं– अध्यक्ष दाहाल

 pc

 

काठमाडौँ, असोज ४ गते । एकीकृत नेकपा९माओवादी०का अध्यक्ष पुष्पकमल दाहालले नेपाली जनताको युग प्रारम्भ भएको बताउनुभएको छ ।

नेपाल सरकारको आयोजना र प्रमुख तीन दलको संयोजनमा सैनिक मञ्च टुँडिखेलमा आयोजना गरिएको नेपालको संविधान, २०७२ को स्वागत समारोहलाई सम्बोधन गर्दै उहाँले संविधानासभामार्फत घोषणा भएको संविधानले ऐतिहासिक युग प्रारम्भ भएको बताउनुभएको हो ।

राष्ट्रकवि माधवप्रसाद घिमिरेको ‘नेपाली हामी रहुँला कहाँ नेपालै नरहे’ र कवि गोपालप्रसाद रिमालको ‘एक युगमा एक दिन एकपटक आउँछ’ कवितामा व्यक्त भए जस्तै नेपालमा जनताको युग आएको छ, ऐतिहासिक युग प्रारम्भ भएको नेता दाहालले बताउनुभयो । अध्यक्ष दाहालले भन्नुभयो– “नेपाल नै नरहे हामी नेपाली कहाँ रहौँला र कसरी अगाडि बढौँला रु”

नेपाली जनताको ७० वर्षभन्दा लामो सङ्घर्षपछि संविधान जारी गर्ने महत्वपूर्ण अवस्थामा आइपुगेको सन्दर्भ जोड्दै उहाँले तत्कालीन सात राजनीतिक दल र नेकपा ९माओवादीका० बीचमा भएको १२ बुँदे सहमतिका आधारमा अगाडि बढेको नेपालको राजनीतिक प्रक्रिया अहिले संस्थागत भएको बताउनुभयो ।

संविधानसभाबाट बनेको संविधानको कार्यान्वयन चुनौतीपूर्ण रहेको भन्दै उहाँले नेपाली जनताको एकता र सबै पक्षको सहयोगका आधारमा मात्रै सफल हुने विश्वास व्यक्त गर्नुभयो । अध्यक्ष दाहालले भन्नुभयो– “केही मान्छेलाई संविधान निर्माणको विधि र प्रक्रिया पनि राम्रो लागेको थिएन, लोकतान्त्रिक गणतन्त्र पनि राम्रो लागेको थिएन तर प्रमुख राजनीतिक शक्तिबीच भएको सहमतिले राष्ट्रिय एकता पैदा गरेको छ, त्यो एकताले मात्रै संविधानको सफल कार्यान्वयन हुन सक्छ ।”

कार्यान्वयनको प्रक्रियामा जाँदा चुनौती रहेको भए पनि नेपाली जनताको एकताका आधारमा मात्रै सफल बनाउन सकिने उहाँको तर्क थियो । नयाँ संविधानको प्रमुख विशेषता गणतन्त्र सङ्घीयता, समानुपातिक र समावेशी प्रणाली, धर्मनिरपेक्षता र धार्मिक स्वतन्त्रताको सम्मान गरिएको र आत्मसम्मानको विजयका रुपमा रहेको अध्यक्ष दाहालको कथन थियो ।

अहिले केही राजनीतिक दल र समुदायले संविधानप्रति असन्तुष्टि व्यक्त गरिरहेको भए पनि त्यसलाई वार्ता र संवादका माध्यमबाट समाधान गर्न सकिनेमा जोड दिनुभयो ।

अध्यक्ष दाहालले भन्नुभयो– “थारु, आदिवासी, जनजाति समुदायमा रहेका प्रश्न र असन्तुष्टिलाई सम्बोधन गर्न सकिन्छ, वार्ता र संवादका माध्यमबाट हल गर्न सकिन्छ । तपाइँहरुको मुद्दा वार्तामा बसेर शान्तिपूर्ण तवरले समाधान गर्न सकिन्छ ।”

अध्यक्ष दाहालले असन्तुष्ट पक्षलाई तत्काल वार्तामा आउनसमेत आह्वान गर्नुभयो । मधेसमा रहेका केही दल र जन समुदाय धेरै माग नयाँ संविधानमा सम्बोधन भएको उल्लेख गर्दै अध्यक्ष दाहालले सप्तरीदेखि पर्सासम्मको प्रदेश पहिचानका आधारमा प्राप्त भएको, समानुपातिक र समानुपातिक अधिकार प्राप्त भएको र नागरिकताको मुद्दा सम्बोधन भएको बताउनुभयो ।

नेपालको छिमेकीसँग केही विशेष सम्बन्ध रहेको एकअर्काको भावना र आवश्यकता र चाहनालाई ठीक ढङ्गले सम्बोधन गरिएको उहाँको कथन थियो ।

अध्यक्ष दाहालले भन्नुभयो– “हाम्रो स्वतन्त्रतालाई सम्मान गर्नेले मात्र आफ्नो स्वतन्त्रतालाई सम्मान गर्न सक्छन् भन्ने विश्वास लिएको छु । हामी मित्र हुन चाहन्छौँ, ‘एसम्यान’ हुन चाहदैनाँै । जे भन्यो त्यही मान्न हामी चाहदैनौँ ।”

अध्यक्ष दाहालले भारत हाम्रो असल मित्र भएकाले उसको जायज चासो र चिन्तालाई हामी सहयोग गर्छौं, हाम्रो चासोलाई पनि सम्मान गरोस् भन्ने अपेक्षा गरेको बताउनुभयो । रासस

थप समाचार
प्रतिकृया
नाम

ईमेल

ठेगना