थारु समुदायले सांस्कृतिक झाँकी र नाचबाट संविधानलाई स्वागत गर्ने

 


चितवन,असोज ३ गते। नयाँ संविधान, २०७२ को स्वागतमा भोलि नारायणगढमा हुन गइरहेको बृहत् स्वागत ¥यालीमा चितवनका थारु समुदायको पहिचान झल्कने सांस्कृतिक झाँकी प्रदर्शन गरिने भएको छ ।

सो क्रममा लाठी नाच, झाम्टा नाच र डम्फु नाच देखाउन लागेको थारु नाचका संयोजक फूलमान महतोले बताउनुभयो । उहाँका अनुसार पूर्वी चितवनबाट सहभागी थारु समुदायलाई नारायणगढ ट्र्याक्टरमा ल्याइँदैछ । लाठी नाचमा १८ देखि २० जना रहने गर्दछन् भने झाम्टा र डम्फुमा २० देखि ३५ जनासम्म रहने गर्दछन् ।

थारु समुदायको माग सम्बोधन नभएर पूर्ण रुपमा सन्तुष्ट हुन नसके पनि राजनीतिक दलप्रति प्रतिबद्ध थारु समुदाय स्वागत ¥यालीमा सहभागी हुने नेपाली काँग्रेस चितवनका प्रवक्ता साजनकुमार महतोले बताउनुभयो ।

जिल्लामा हुने विशेष किसिमका सभा सम्मेलन र पाहुनालाई थारु समुदायले आफ्ना विभिन्नखाले नाचगानले स्वागत गर्ने गर्दछन् । नेपाली जनताले लामो प्रतीक्षा र सङ्घर्षपछि संविधान पाएको खुसियालीमा थारु समुदायले नाच प्रस्तुत गर्ने संयोजक फूलमान महतोले बताउनुभयो ।

एकीकृत नेकपा ९माओवादी० चितवनका सदस्य प्रभूप्रसाद महतोले गाउँ गाउँबाट अन्य समुदायसँगै राजनीतिमा लागेका थारु समुदाय पनि नारायणगढमा हुने बृहत् स्वागत ¥यालीमा सहभागी हुने बताउनुभयो ।

पूर्व सभासद् लालमणि चौधरीले नेपाली जनताले लामो पर्खाइ, सङ्घर्ष, त्याग र बलिदानीबाट प्राप्त गरेको संविधानलाई खुसीका साथ स्वागत गरिनुपर्ने बताउनुभयो । चितवन क्षेत्र नं १ बाट पहिलो संविधानसभामा निर्वाचित हुनुभएका नेकपा ९एमाले०का नेतासमेत रहनुभएका चौधरीले आज साँझ हुने दीप प्रज्वलन र भोलिको स्वागत ¥यालीमा थारु समुदायको सक्रिय सहभागिता रहने पनि बताउनुभयो ।

चितवनका राजनीतिक दलहरुले आज साँझ भरतपुरको चौबीसकोठी, मुग्लिन बजार, माडी, रत्ननगरको टाँडी र खैरहनीको पर्सा बजारमा संयुक्त रुपमा दीप प्रज्वलन गर्दैछन् ।

त्यसैगरी, टोलटोल र घरघरमा पनि विभिन्न सङ्घसंस्था र व्यक्तिले दीप प्रज्वलन गर्दै छन् । त्यसैगरी भोलि राजनीतिक दलका नेता कार्यकर्ता समर्थक, शुभचिन्तक, नागरिक समाज र सर्वसाधारणको सहभागितामा नारायणगढमा बृहत् स्वागत ¥याली गरिँदैछ । रासस

थप समाचार
प्रतिकृया
नाम

ईमेल

ठेगना