इन्द्रजात्राको तयारी हुँदै

 


काठमाडौँ, असोज  ३ गते। इन्द्रजात्रा तयारीको सिलसिलामा हनुमान ढोका दरबार क्षेत्रमा रङरोगन र सरसफाइको काम भइरहेको छ ।

आगामी असोज ८ गतेदेखि सुरु हुने इन्द्रजात्राको तयारी स्वरुप वसन्तपुर, काष्ठमण्डप, जैसीदेवल, लगन, ज्याबहाल, नरदेवी, टङ्गाल, भेडासिंह, इन्द्रचोक, नरदेवी किलागललगायतका रथ तान्ने विभिन्न स्थानमा सरसफाइको काम भइरहेको दरबार क्षेत्र संरक्षण कार्यक्रमको प्रमुख नरेन्द्रविलास बज्राचार्यले बताउनुभयो ।

उहाँका अनुसार रथ तानिने स्थानहरुमा सरसफाइको काम भइरहेको छ । वसन्तपुर दरबार क्षेत्रमा रहेको डबलीको पुनःनिर्माण र रङ लगाउने काम हँुदैछ भने मन्दिरको झल्लर फेर्ने काम पनि भइरहेको छ ।

हरेक वर्ष राष्ट्रप्रमुख बसेर जात्रा हेर्ने स्थान गद्दी बैठकमा भूकम्पबाट क्षति पुगेकाले यस वर्ष राष्ट्रप्रमुखका लागि वसन्तपुर डबलीमा विशेष किसिमको मञ्च निर्माण भइरहेको इन्द्रजात्रा मूल समारोह समितिका अध्यक्ष गौतम शाक्यले जानकारी दिनुभयो ।

रथ तान्ने केही स्थानमा भूकम्पका कारण केही घर भत्किएका र टेका लगाइएकाले ती स्थानमा पनि व्यवस्थापनको काम भइरहेको शाक्यले बताउनुभयो ।

लिच्छविकालदेखि सुरु भएको ठानिएको यो जात्रा मनाउन गुठी संस्थानले आर्थिक सहयोग उपलब्ध गराउने गर्दछ । रासस

थप समाचार
प्रतिकृया
नाम

ईमेल

ठेगना