विषादीयुक्त तरकारी र फलफूल

मेलम्ची, असोज ३ गते । कृषकले कीटनाशक विषादी प्रयोग गरेपछि तत्कालै बजारमा ल्याएर तरकारी र फलफूल बिक्री वितरण गर्दै आएकाले जनस्वास्थ्यमाथि प्रतिकूल असर पर्न थालेको छ । विषादी प्रयोग गरेपछि पर्खनुपर्ने समयको वास्ता नगरी तरकारी तथा फलफूल बिक्री गरेर उपभोक्ताको स्वास्थ्यमाथि नै लापरबाही गरिएको सिन्धुपाल्चोक मेलम्ची नगरपालिका–६ मा बस्दै आउनुभएका चित्रकुमार श्रेष्ठले बताउनुभयो ।

विषादी प्रयोग गरेपछि खानयोग्य हुँदा मात्रै कृषकले बजारमा बिक्रीका लागि ल्याउनुपर्ने तर त्यस्तो नभएको स्थानीयवासी महेश दुलालले बताउनुभयो । यस विषयमा जिल्ला कृषि विकास कार्यालयले कृषकलाई सचेतना गराउनुपर्ने उहाँको भनाइ छ ।

कृषि विकास कार्यालयले कृषकलाई कार्यालय र मातहतका कार्यालयले पटक पटक विषादीको प्रयोग न्यूनीकरण गर्ने, यदि गरिए पनि सुरक्षित विषादी प्रयोग गर्न र गरेपछि खानयोग्य हुने अवधिबारे जानकारी गराउँदै आएको कृषि विकास कार्यालय सिन्धुपाल्चोकले जनाएको छ । रासस

थप समाचार
प्रतिकृया
नाम

ईमेल

ठेगना