• ६ चैत २०८०, मङ्गलबार

आठबिसकोटमा माओवादीका रवि र धनकुमारी विजयी

blog

आठबिसकोट नगरपालिकाका नवनिर्वाचित प्रमुख रवि केसी र उपप्रमुख धनकुमारी शाही । तस्बिर – राजु लामिछाने

राजु लामिछाने 

रुकुम पश्चिम, जेठ ४ गते । जिल्लाको आठबिसकोट नगरपालिकामा माओवादी केन्द्रका उम्मेदवारले विजय हाँसिल गरेका छन् । नगर प्रमुख र उपप्रमुखमा माओवादी केन्द्रका रवि केसी र धनकुमारी शाही निर्वाचित भएको निर्वाचन अधिकृतको कार्यालय आठबिसकोटले जनाएको छ ।

प्रमुखमा रविले सात हजार ३७९ मत प्राप्त गर्दा उहाँका निकटतम प्रतिद्वन्द्वी नेपाली कांग्रेसका धिरेन्द्रकुमार बटालाले ६ हजार ६१५ मत प्राप्त गर्नुभएको छ । 

उपप्रमुख धनकुमारी शाहीले सात हजार २६५ मत प्राप्त गर्दा उहाँका निकटतम प्रतिद्वन्द्वी नेकपा एमालेका दिनेश चन्दले ६ हजार २६८ मत र राप्रपाका उम्मेदवारले ७ मत प्राप्त गर्नुभएको छ । 

१४ वडा रहेको आठबिसकोटका चार वटा वडामा काँग्रेस एमाले गठबन्धनले जित हाँसिल गरेको छ भने बाँकी सबै वडाहरुमा माओवादी केन्द्रले जितेको छ ।