ऋषेश्वर महादेव मन्दिरमा मेला, भक्तजनको घुइँचो

 

 


काठमाडौँ, असोज १ गते। काठमाडौँ महानगरपालिका–१२ स्थित टेकुको ऋषेश्वर महादेव मन्दिरमा आज मेला लागेको छ ।

प्रत्येक वर्ष ऋषि पञ्चमीका दिन मन्दिरमा मेला लाग्ने प्रचलनअनुसार आज त्यहाँ मन्दिरमा ठूलो सङ्ख्यामा महिला भक्तजनको घुइँचो लागेको छ ।

काठमाडौँ महानगरपालिका–१२ नं वडाले संयोजन गरेको मेलालाई व्यवस्थित गर्न सुरक्षाकर्मी, विभिन्न सङ्घसंस्थाका प्रतिनिधि, नेपाल स्काउटलगायतको सहभागिता रहेको छ ।

गएराति १२ बजेदेखि नै मन्दिर सर्वसाधारणको दर्शनका लागि खुला गरिएकाले सहज रुपमा भक्तजनले दर्शन गरेका छन् ।

महानगरीय प्रहरी वृत्त कालिमाटीका प्रहरी नायब उपरीक्षक हेम थापाले मन्दिरमा दर्शनका लागि आउने भक्तजनको सुरक्षाका लागि लाइन रहेको ठाउँमा प्रहरी खटाइएको र अहिलेसम्म शान्तिपूर्ण रुपले दर्शन भइरहेको जानकारी दिनुभयो ।

तीजमा व्रत बसेका महिलाले सो मन्दिरमा गएर ब्राह्मणद्वारा पञ्चमीको पूजा समेत गराएका छन् । श्रीसत्य साई सेवा केन्द्रका साधना लामाले अशक्त तथा वृद्धवृद्धालाई सहजरुपमा मन्दिरमा दर्शनको व्यवस्था मिलाइएको बताउनुभयो ।

मन्दिरमा दर्शनका लागि विदेशी महिलासमेत लाइनमा बसेका थिए । रासस

थप समाचार
प्रतिकृया
नाम

ईमेल

ठेगना