रौतहटमा दङ्गाग्रस्त क्षेत्र यथावत

 

रौतहट, भदौ १६ गते। जिल्ला प्रशासन कार्यालयले पूर्व निर्णयअनुसार नै रौतहटमा दङ्गाग्रस्त क्षेत्र यथावत रहेको जनाएको छ ।

जिल्लामा शान्ति व्यवस्थामा अझै सुधार नआएकाले गौर नगरपालिकाको सबै वडा तथा गौर–चन्द्रनिगाहपुर सडकखण्डको एक÷एक किलोमिटर दाँयाबाँया क्षेत्रमा निषेधाज्ञा कायमै रहेको प्रमुख जिल्ला अधिकारी मदन भुजेलले बताउनुभयो ।

निषेधित क्षेत्रमा कुनै प्रकारको सभा गोष्ठी, प्रदर्शनलगायतका कार्यक्रम नगर्न जिल्ला प्रशासन कार्यालयले अपिल गरेको छ ।

जिल्ला सदरमुकाम गौरमा आज संयुक्त लोकतान्त्रिक मधेसी मोर्चा तथा राष्ट्रिय मुस्लिम सङ्घर्ष गठबन्धनद्वारा संयुक्तरुपमा आयोजना गर्ने भनिएको विरोध प्रदर्शनका क्रममा हुने सम्भावित घटना हुन नदिन विशेष सतर्कता अपनाइएको जिल्ला प्रहरी कार्यालयले जनाएको छ ।

सो क्रममा अहिले निषेधित क्षेत्रमा सुरक्षाकर्मी तैनाथ गरिएको छ । विरोध प्रदर्शन गर्ने अनुमानित ठाउँ भनिएको नयाँबसपार्कलाई पनि सुरक्षाकर्मीले नियन्त्रणमा लिएका छन् । रासस


 

थप समाचार
प्रतिकृया
नाम

ईमेल

ठेगना