उपकुलपति एकलौटी सिफारिस गरेकोमा प्रगतिशीलको आपत्ति

काठमाडौं, भदौ ७ गते । देशको उच्च शिक्षाको नेतृत्व वहन गरिरहेका विभिन्न विश्वविद्यालयहरुमा गत साउन २२ गते देखि भैरहेको नेतृत्व विहिनताको व्यवस्थापनका लागि दक्ष, क्षमतावान र प्राज्ञिक व्यक्तित्वको छनौट गरी देशको संविधान निर्माण देखि विभिन्न अभियानमा साथ सहयोगमा रहँदै राज्य सञ्चालनका निम्ति महत्वपूर्ण साझेदारका रुपमा रहेको राजनैतिक शक्तिसँगको आपसी सल्लाह र परामर्शमा देशको सातै वटा विश्वविद्यालयहरुमा उपकुलपतिहरु नियुक्ति गर्नुपर्ने कुराको वेवास्ता गर्दै एकतर्फी रुपमा छनौट समिति गठनगरी प्रधानमन्त्री र शिक्षामन्त्रीको जिम्मेवारी वहनताको दम्भका आधारमा त्रिभुवन विश्वविद्यालय लगायत चार वटा विश्वविद्यालयमा उपकुलपतिको सिफारिस गरिएको कुराप्रति नेपाल प्रगतिशील प्राध्यापक संगठनको गम्भिर ध्यानाकर्षण भएको छ ।
यदि तत्कालै उक्त निर्णय पुनरावलोकन नगरिएमा देशभरका सम्पूर्ण विश्वविद्यालय अन्तर्गतका आंगिक तथा सम्बन्धन प्राप्त क्याम्पसहरुमा कडा आन्दोलनका साथ उत्रने कुराको समेत सम्बद्धपक्षलाई चेतावनी दिन चाहान्छौं, महासचिव डा. खगराज शर्माद्धारा जारी विज्ञप्तीमा उल्लेख छ । 

थप समाचार
प्रतिकृया
नाम

ईमेल

ठेगना