रोकिएका सवारीसाधनलाई पूर्वतर्फ पठाइयो

 

 

लहान, भदौ २ गते। संयुक्त मधेसी मोर्चा र थारु कल्याणकारी सभाको बन्दका कारण सिरहाको बन्दीपुर, मिर्चैयालगायतका स्थानमा रोकिएका सवारीसाधनलाई सिरहा प्रहरीले सुरक्षा दिएर गन्तव्यतर्फ पठाएको छ ।

राजधानी काठमाडौँसहित विभिन्न स्थानबाट आएका मालबाहक ट्रक तथा यात्रुबाहक बस गरी २०० भन्दा बढी सवारीसाधनलाई सकुशल गन्तव्यतर्फ पठाएको सिरहाका प्रमुख जिल्ला अधिकारी डा मानबहादुर विकेले जानकारी दिनुभयो ।

सवारी साधन सुचारु गर्ने सन्दर्भमा प्रहरी र प्रदर्शनकारीको झडपका कारण तीन दिनदेखि तनाबग्रस्त सिरहाको मिर्चैया अहिले शान्त रहेको छ । यद्यपि, बजार, पसल, शिक्षण संस्था बन्द छन् ।

चार दलबीच भएको प्रदेशको सीमाङ्कनको सहमतिको विरोधमा आन्दोलनरत मधेसी मोर्चा र थारु कल्याणकारी सभाले गरेको अनिश्चितकालीन बन्दका कारण आज  पनि सिरहाको जनजीवन प्रभावित भएको छ ।

सगरमाथा अञ्चलको प्रमुख व्यापारिक केन्द्र लहानसहित गोलबजार, धनगढी, बन्दीपुरलगायतका स्थानबाट सञ्चालन हुने लामो तथा छोटो दूरीका सवारीसाधन चलेका छैनन् भने बजार, पसल, शिक्षण संस्था ठप्प रहेका छन् । रासस

थप समाचार
प्रतिकृया
नाम

ईमेल

ठेगना